قومی اسمبلی ،ْ سعدرفیق کے پروڈکشن آرڈرجاری نہ ہونے پراپوزیشن کا واک آؤٹ

سعدرفیق کے پروڈکشن آرڈرجاری نہ کرنا جمہوریت کا قتل ہوگا، آرڈر جاری نہ ہونے تک واک آؤٹ کریں گے ،ْسردار ایاز صادق

جمعرات 13 دسمبر 2018 18:00

قومی اسمبلی ،ْ سعدرفیق کے پروڈکشن آرڈرجاری نہ ہونے پراپوزیشن کا واک ..

اسلام آباد (اُردو پوائنٹ اخبارتازہ ترین - این این آئی۔ 13 دسمبر2018ء) قومی اسمبلی میں اجلاس کے دوران (ن )لیگی رکن سعد رفیق پروڈکشن آرڈرجاری نہ ہونے پر اپوزیشن نے واک آؤٹ کرتے ہوئے کہاہے کہ سعدرفیق کے پروڈکشن آرڈرجاری نہ کرنا جمہوریت کا قتل ہوگا، آرڈر جاری نہ ہونے تک واک آؤٹ کریں گے۔ جمعرات کو قومی اسمبلی اجلاس کے دوران مسلم لیگ (ن) نے خواجہ سعد رفیق کے پروڈکشن آرڈر جاری کرنے کا معاملہ اٹھایا تو اپوزیشن رکن ایاز صادق نے سپیکر کو اٹارنی جنرل سے مشاورت سے روکتے ہوئے کہا کہ انہیں وکالت کرنے دیں۔

پروڈکشن آرڈر کے معاملے پر وزیر قانون سے مشاورت کریں ،ْایازصادق نے سپیکر کو مخاطب کرتے ہوئے کہا کہ پروڈکشن آرڈرجاری کرنے پر آپ تاریخ میں یاد کیے جائیں گے۔

(جاری ہے)

سردار ایاز صادق نے اس موقع پر مثال دیتے ہوئے کہا کہ جمشید دستی سے رانا ثنااللہ کی حکومت کو بہت مسئلہ تھا، رانا ثنا ء کا مجھے پیغام آیا کہ جمشیددستی کے پروڈکشن آرڈرجاری نہ کئے جا ئیں، میں سنتا سب کی اور کرتا اپنی مرضی تھا اور آرڈر جاری کئے کیونکہ یہ سپیکر کا اختیار ہے۔

سپیکر قومی اسمبلی اسد قیصر نے ایاز صادق کی باربار کی درخواست کے باوجود خواجہ سعد رفیق کے پروڈکشن آرڈر جاری نہ کئے تو اپوزیشن اراکین نے اجلاس سے واک آوٹ کیا اور کہاکہ سعدرفیق کے پروڈکشن آرڈرجاری نہ کرنا جمہوریت کا قتل ہوگا، آرڈر جاری نہ ہونے تک واک آؤٹ کریں گے۔