پی ٹی وی کرپشن کیس کی سماعت 21دسمبر تک ملتوی

جمعرات دسمبر 20:45

پی ٹی وی کرپشن کیس کی سماعت 21دسمبر تک ملتوی
اسلام آباد ۔ (اُردو پوائنٹ اخبارتازہ ترین - اے پی پی۔ 13 دسمبر2018ء) سپیشل جج سنٹرل کی عدالت نے پی ٹی وی کرپشن کیس کی سماعت فاضل جج کی رخصت کے باعث بغیر کسی کارروائی کے 21دسمبر تک ملتوی کر دی۔

(جاری ہے)

جمعرات کو نجی ٹی وی چینل کے اینکر ڈاکٹر شاہد مسعود کو ہتھکڑیوں میں عدالت میں پیش کیا گیا۔ فاضل جج کامران بشارت مفتی کے رخصت پر ہونے کے باعث سماعت بغیر کارروائی کے 21 دسمبر تک ملتوی کردی گئی۔ عدالت نے آئندہ سماعت پر مقدمے کا چالان طلب کر رکھا ہے۔ عدالت نے ڈاکٹر شاہد مسعود کو 21 دسمبر کو دوبارہ پیش کرنے کا حکم دے دیا۔