سیکرٹری لوکل گورنمنٹ نے میانی صاحب قبرستان کی نئی کمیٹی بنا دی

پیر 17 دسمبر 2018 17:21

لاہور(اُردو پوائنٹ اخبارتازہ ترین - این این آئی۔ 17 دسمبر2018ء) سیکرٹری لوکل گورنمنٹ نے میانی صاحب قبرستان کی نئی کمیٹی بنا دی ہے۔ کمیٹی 15ممبران پر مشتمل ہوگی۔ کمیٹی میں سرکاری و غیر سرکاری اراکین شامل ہے۔ ڈی سی لاہور کمیٹی کی چیئر مین ہونگی اور ڈپٹی ڈائریکٹر لوکل گورنمنٹ کمیٹی کے سیکرٹری ہونگے۔

(جاری ہے)

سرکاری ممبران میں ڈی سی لاہورصالحہ سعید، ڈی آئی جی آپریشنز، ڈی جی شہر خموشاں، ڈائریکٹر ایڈمن ایل ڈی اے، سی ای او ہیلتھ اتھارٹی اور ڈپٹی ڈائریکٹر لوکل گورنمنٹ شامل ہیں۔ غیر سرکاری ممبران میں جسٹس ریٹائرڈ زیدالحسن، ڈاکٹر امجد ثاقب،سردار شاہد اقبال، محمداویس صدر لاہور ہائی کورٹ بار،صدر چیمبر آف کامرس لاہور،جنید رزاق اور عرفان حسین ایڈووکیٹ شامل ہیں۔