پاک فوج نے پاک فضائیہ اور ریسکیو 1122کے ساتھ مل کر نتھیا گلی میں محصور سیاحوں کو محفوظ مقام پر منتقل کر دیا

منگل 22 جنوری 2019 14:23

راولپنڈی (اُردو پوائنٹ اخبارتازہ ترین - این این آئی۔ 22 جنوری2019ء) پاک فوج نے پاک فضائیہ اور ریسکیو 1122کے ساتھ مل کر توحید آباد نتھیا گلی میں شدید برفباری اور گاڑیوں کے پھنسنے کے باعث محصور سیاحوں کو محفوظ مقام پر منتقل کر دیا ۔ ڈی جی آئی ایس پی آر کے مطابق انتہائی نامساعد حالات کے باوجود پاک فوج کی ٹیموں نے فوری کارروائی کی اور پھنسے افراد کو محفوظ مقام پر منتقل کر دیا گیا ۔

(جاری ہے)

ڈی جی آئی ایس پی آر کے مطابق آئی ایس پی آر کے مطابق ریسکیو آپریشن شدید موسمی حالات کے دوران صبح سوا تین شروع کیا گیا تھا ۔توحید آباد میںپاک فوج کے دستے امدادی کاموں میں دن بھر مصروف عمل رہے اور ائیر فورس اور ریسکیو 1122 کی ٹیموں نے بھی نتھیا گلی میں امدادی کام میں حصہ لیا ۔ توحید آباد ، نتھیا گلی ، مری میں شدید برف باری کے باعث سیاحوں کی بہت بڑی تعداد پھنس گئی تھی ۔ ڈی جی آئی ایس پی آر نے ٹویٹ میں کہا تھا کہ انہیں سیاحوں کے محصور ہونے کا علم میڈیا رپورٹس سے ہوا ہے۔