اسد عمر کاایف اے ٹی ایف کوبھارت سے متعلق خط درست قدم ہے،میاں زاہد حسین
پاکستان کی جانب سے بھارتی دہشتگردی کے ٹھوس ثبوت نظر انداز کرنا بین الاقوامی ادارے کی ساکھ پر سوالیہ نشان ہے،صدر کراچی انڈسٹریل الائنس
جمعہ 15 مارچ 2019 18:13
(جاری ہے)
پاکستان کے خلاف امریکی شکایت پر FATFنے پاکستان کو گرے لسٹ میں شامل کیا ہے، جبکہ پاکستان نے ثبوت کے ساتھ بھارت کے خلاف انکوائری کی درخواست کی جس کو مسترد کیا گیا جو بین الاقوامی ادارے کی دہری پالیسی اور سیاسی مقاصد کا پول کھولنے کے لئے کافی ہے۔
میاں زاہد حسین نے بزنس کمیونٹی سے گفتگو میںکہا کہ بھارت پاکستان کے خلاف بنائی گئی انکوائری کمیٹی کا کو چیئر ہے اور اپنی پوزیشن کا غلط استعمال کرتے ہوئے پورا زور لگارہا ہے کہ پاکستان کو FATFبلیک لسٹ کردے۔ وزیر خزانہ اسد عمر نے بھارت کو پاکستان کے لئے بنائی گئی انکوائری کمیٹی کی کو چیئر سے ہٹانے کے اصولی مطالبے میں بھی یہ موقف اپنایا ہے کہ بھارت اپنی پاکستان دشمنی کے باعث پاکستان کو معاشی ترقی سے روکنے کے لئے اپنی پوزیشن کا ناجائز فائدہ اٹھا رہا ہے اور بین الاقوامی سطح پر پاکستان کے خلاف سازش کرنے میں مصروف ہے۔ بین الاقوامی کمیونٹی پاکستان کے خلاف FATFکے بین الاقوامی فورم کو استعمال کرنے کا نوٹس لے اور پاکستان کے خلاف بھارت کے سیاسی سٹنٹ کوناکام بنانے میں اپنا کردار ادا کرے۔ میاں زاہد حسین نے کہا کہ پاکستان کی دہشتگردی کے خلاف دی جانے والی قربانیاں کسی سے مخفی نہیں ہیں۔ پاکستان نے دہشتگردی کے خلاف جنگ میں 6ہزار فوجی جوانوں سمیت 50ہزار سے زائد شہریوں کی جانی قربانیوں کے ساتھ ساتھ 130ارب ڈالر کامعاشی نقصان اٹھایا، جس کا دنیا بھر نے اعتراف کیا ہے۔ منی لانڈرنگ اور ٹیرر فنانسنگ روکنے کے لئے پاکستانی اداروں بشمول ایف بی آر، اسٹیٹ بینک اور ایف آئی اے نے کئی اہم اقدامات کئے جس کے مثبت نتائج سے FATFکو وقتاً فوقتاً آگاہ کیا گیا ہے۔2015سے اب تک 4ہزار کے لگ بھگ مشتبہ ٹرانزیکشنز کو روکا گیا ہے جس میں سے تقریباً12سو یعنی 32فیصد صرف 2018میں روکی گئی ہیں جو بہت بڑی کامیابی ہے اور مزید اقدامات بھی تیزی سے کئے جارہے ہیں ۔ میاں زاہد حسین نے کہا کہ بین الاقوامی سطح پر پاکستان کو سیاسی اور سفارتی روابط مضبوط کرنے کے لئے مزید اقدامات کرنے کی ضرورت ہے۔ بین الاقوامی رائے کو پاکستان کے حق میں موڑنے کے لئے تمام وسائل اور صلاحیتوں کو بروئے کار لایا جائے اور بھارت کی پاکستان دشمنی کو دنیا پر واضح کرنے کا لائحہ عمل بنانے کے ساتھ ساتھ FATFکے سفارشات کے عملی نفاذ کو بھی مد نظر رکھا جائے تاکہ پاکستان کو بلیک لسٹ کرنے کی اس سازش کا قلعہ قمع کیا جاسکے۔مزید تجارتی خبریں
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
عالمی اور مقامی مارکیٹوں میں سونے کی قیمت میں مزید اضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ملک میں دالوں کی درآمدات میں جاری مالی سال کے دوران کمی
-
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
-
برائلرگوشت اورفارمی انڈوں کے نرخ
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.