مہوش حیات تمغہ امتیاز کے بعد ایک اور تنازع میں پھنس گئیں،عامر لیاقت حسین کی اداکارہ پر تنقید

لوڈ ویڈنگ میں میری رضا مندی کے بغیر میرے کردار کو غلط انداز میں پیش کیا گیا، بطور فنکارہ آپ نے فلم میں کام کیا اور اس بکواس کو روکنے میں ناکام رہیں،کیا مجھے آپ پر مقدمہ نہیں کردینا چاہئے، پاکستانی اینکر

ہفتہ 16 مارچ 2019 17:11

مہوش حیات تمغہ امتیاز کے بعد ایک اور تنازع میں پھنس گئیں،عامر لیاقت ..

کراچی (اُردو پوائنٹ اخبارتازہ ترین - این این آئی۔ 16 مارچ2019ء) نامور پاکستانی اداکارہ مہوش حیات تمغہ امتیاز کے تنازع سے ابھی باہر نکلی ہی نہیں تھیں کہ ایک اور تنازع کا شکار ہوگئیں۔

(جاری ہے)

میڈیا رپورٹ کے مطابق اداکارہ مہوش حیات کو جب سے تمغہ امتیاز دینے کا اعلان ہوا ہے سوشل میڈیا پر ان کے خلاف محاذ کھل گیا ہے اور لوگ اس بات پر حیران ہیں کہ آخر مہوش حیات نے ایسا کون سا کارنامہ انجام دے دیا کہ انہیں تمغہ امتیاز سے نوازا جارہا ہے،مہوش حیات نے خود پر تنقید کرنیوالوں کو جواب دیتے ہوئے کہا تھا کہ ’آپ لوگ اس طرح اپنے ملک کے فنکاروں کی کامیابیوں کا جشن مناتے ہیں انہیں بلاوجہ تنقید کا نشانہ بنا کر آپ کو شرمی آنی چاہئے ‘۔

تاہم مہوش حیات کو یہ تنقید اس وقت الٹی پڑگئی جب پاکستانی اینکر اور رکن اسمبلی ڈاکٹر عامر لیاقت حسین نے انہیں آڑے ہاتھوں لیتے ہوئے کہا آپ کی فلم’’لوڈ ویڈنگ‘‘میں میری رضامندی کے بغیر میرے کردار کو بالکل غلط انداز میں پیش کیاگیا اور مجھے بدنام کیاگیا آپ کی پوری فلم میرے ہی ارد گرد گھوم رہی تھی۔ بطور فنکارہ نہ صرف آپ نے اس فلم میں کام کیا بلکہ آپ اس بکواس کو روکنے میں بھی ناکام رہیں لہٰذا مجھے آپ پر مقدمہ نہیں کردینا چاہئے، بہت شرم کی بات ہے۔