بلاول جتنی بھی کوشش کر لے بھٹو نہیں بن سکتا، غنویٰ بھٹو

غنویٰ بھٹو کے تقریب سے خطاب کے دوران فاطمہ بھٹو کے نام کے نعرے لگتے رہے

عثمان خادم کمبوہ جمعہ 5 اپریل 2019 00:23

بلاول جتنی بھی کوشش کر لے بھٹو نہیں بن سکتا، غنویٰ بھٹو

کراچی(اردوپوائنٹ اخبار تازہ ترین۔4اپریل2019ء) جمعرات کے روز ایک تقریب سے خطاب کرتے ہوئے غنویٰ بھٹو نے کہا کہ بلاول جتنی بھی کوشش کر لے وہ بھٹو نہیں بن سکتا۔ غنویٰ بھٹو نے کہا کہ بلاول لاکھ کوششیں کر لے وہ کبھی بھی ذولفقار علی بھٹو نہیں بن سکتا۔ غنویٰ بھٹو کے خطاب کے دوران فاطمہ فاطمہ کے نام کے نعرے لگتے رہے۔ غنویٰ بھٹو بے نظیر بھٹو کے بھائی اور ذولفقار علی بھٹو کے بیٹے مرتضیٰ بھٹو کی بیوہ ہیں اور ان کے آصف علی زرداری اور بلاول بھٹو کے ساتھ خاندانی اور سیاسی اختلافات بھی موجود ہیں۔

غنویٰ بھٹو پاکستانی سیاستدان ہیں البتہ مرتضی بھٹو سے شادی سے پہلے وہ لبنان میں رہتی تھیں اور1997 میں انہوں نے نصرت بھٹو کے خلاف الیکشن بھی لڑا تھا جس میں انہیں شکست کا سامنا کرنا پڑا تھا۔

(جاری ہے)

غنویٰ بھٹو اور آصف علی زرداری کے اختلافات کے بارے میں کئی بار بات کی گئی ہے لیکن وہ کبھی بھی کھل کر سامنے نہیں آئیں۔ وہ کراچی میں رہائش پزیر ہیں اب جمعرات کے روز انہوں نے بلاول بھٹو زرداری پہ تنقید کرتے ہوئے کہا کہ بلاول کبھی بھٹو نہیں بن سکتا۔ ان کے خطاب کے دوران ہال میں مرتضیٰ بھٹو کی پہلی بیوی سے بیٹی فاطمہ کے نام کے نعرے لگتے رہے یاد رہے کہ فاطمہ بھٹو ایک لکھاری ہیں اور انہیں غنویٰ بھٹو نے ہی پالا ہے اور وہ ان کے ساتھ ہی کراچی میں رہتی ہیں۔