پہلی خاتون سپر ہیرو فلم ’ کیپٹن مارول ‘ نے عالمی سطح پر ایک بلین ڈالر کا بزنس کرلیا

ہفتہ 6 اپریل 2019 12:10

لاس اینجلس (اُردو پوائنٹ اخبارتازہ ترین - این این آئی۔ 06 اپریل2019ء) ہالی ووڈ کی پہلی خاتون سپر ہیرو فلم ’ کیپٹن مارول ‘ نے عالمی سطح پر ایک بلین ڈالر کا بزنس کر لیا۔

(جاری ہے)

میڈیا رپورٹ کے مطابق اینا بوڈن اور ریان فلیک کی مشترکہ ہدایت کاری میں بنائی گئی پہلی خاتون سپر ہیرو فلم ’’کیپٹن مارول ‘‘ 8مارچ کو دنیا بھر میں ریلیز کی گئی جس نے امریکی باکس آفس پر ریلیز سے اب تک 358 ملین ڈالر اور بین الاقوامی سطح پر 645 ملین ڈالر کما لئے ہیں۔ فلم میں اداکارہ بری لارسن نے مرکزی کردار ادا کیا ہے جبکہ دیگر کاسٹ میں سیموئیل ایل جیکسن، گیما چن، کلارک گریگ، جوڈ لاء اور دیگر شامل ہیں۔