وزیراعظم عمران خان کی سابقہ بیوی نے عوام کو حکومت کے خلاف باہر نکلنے کا مشورہ دے دیا

سیاسی اداکار سب تباہ کرنے پر تلے ہیں،عوام جمہوریت کے لیے جدوجہد کرے ،ریحام خان

عثمان خادم کمبوہ منگل 16 اپریل 2019 22:13

وزیراعظم عمران خان کی سابقہ بیوی نے عوام کو حکومت کے خلاف باہر نکلنے ..

لاہور(اردوپوائنٹ اخبار تازہ ترین۔16اپریل2019ء) وزیراعظم عمران خان کی سابقہ بیوی ریحام خان نے اپنے ٹویٹر پیغام میں عوام کو حکومت کے خلاف باہر نکلنے کا مشورہ دے دیتے ہوئے کہا ہے کہ ’سیاسی اداکار سب تباہ کرنے پر تلے ہیں،عوام جمہوریت کے لیے جدوجہد کرے‘۔

(جاری ہے)

ریحام خان کی جنوری 2015میں عمراں خان کے ساتھ شادی ہوئی تھی لیکن اکتوبر2015میں ان کی طلاق ہو گئی جس کے بعد ریحام خان نے عمران خان پر کئی بار شدید تنقید کی ہے، انہوں نے اپنی کتاب میں بھی عمران خان پر کئی الزامات لگائے تھے اور اب بھی وہ عمران خان اور تحریکِ انصاف حکومت پر شدید تنقید کرتی رہتی ہیں۔

منگل کے روز بھی انہوں نے اپنے ٹویٹر پیغام میں پاکستانی عوام کو مشورہ دیا ہے کہ وہ حکومت کے خلاف جدوجہد کرے۔ انہوں نے پاکستان تحریک انصاف کو سیاسی اداکار قرار دیتے ہوئے کہا کہ یہ لوگ سب کچھ تباہ کر دیں گے اس لیے عوام جدوجہد کرے۔