وزیراعلیٰ خیبرپختونخوا محمود خان کی زیر صدارت پولیو سے متعلق ہنگامی اجلاس، پولیو پر قابو پانے کے لئے ہنگامی اقدامات کا فیصلہ

پیر 24 جون 2019 15:36

اسلام آباد (اُردو پوائنٹ اخبارتازہ ترین - اے پی پی۔ 24 جون2019ء) وزیراعلیٰ خیبرپختونخوا محمود خان کی زیر صدارت پولیو سے متعلق پیر کو ہنگامی اجلاس ہوا۔ اجلاس میں وزیراعظم کے معاون برائے انسداد پولیو بابر بن عطاء نے شرکت کی۔ اس موقع پر پولیو پر قابو پانے کیلئے ہنگامی اقدامات کا فیصلہ کیا گیا۔

(جاری ہے)

اجلاس میں ڈی ایچ او لکی مروت اور ڈی ایچ او بنوں سمیت متعدد کو معطل کرنے، پولیو مہمات کے دوران محکمہ صحت کے اختیارات کمشنرز کو دینے، آئندہ پولیو مہم کے دوران انکاری والدین کے خلاف ایف آئی آر نہ کرنے اور محکمہ پولیس کو پولیو ورکرز کی حفاظت یقینی بنانے کا فیصلہ کیا گیا۔ اجلاس میں یہ بھی فیصلہ کیا گیا کہ پولیو کے خلاف ہونے والے پروپیگنڈہ سے پیار و محبت سے جنگ لڑیں گے۔