Live Updates

پنجاب حکومت نے بجٹ میں جنوبی پنجاب کیلئے الگ کثیر رقم مختص کی ہے ، مہناز سعید

پیر 24 جون 2019 20:03

مظفرگڑھ۔ (اُردو پوائنٹ اخبارتازہ ترین - اے پی پی۔ 24 جون2019ء) چیف منسٹر پنجاب شکایات سیل ویمن ونگ کی چیئرپرسن مہناز سعید نے حلقہ این اے 184 مظفرگڑھ کے سینئر سیاسی راہنماء رانا امجد علی امجد ایڈووکیٹ سے گفتگو کرتے ہوئے کہا ہے کہ پنجاب حکومت نے بجٹ میں جنوبی پنجاب کے لئے الگ کثیر رقم مختص کی ہے جو ماضی کی طرح ادھر ادھر لگانے کی بجائے صرف اور صرف اسی خطے کی ترقی پر خرچ کی جائے گی.

(جاری ہے)

انہوں نے شہر سلطان ضلع مظفر گڑھ جلال پور پیر والہ ملتان کے درمیان دریائے چناب پر پختہ پل کے لیے 200 ملین مختص کرنے پر وزیر اعظم عمران خان اور وزیر اعلی پنجاب سردار عثمان خان بزدار کا شکریہ ادا کیا اور کہا کہ حکومت زبانی جمع خرچ کی بجائے عملی اقدامات پر یقین رکھتی ہی. انہوں نے کہا کہ اپوزیشن محض چور مچائے شور کی پالیسی پر گامزن ہی. ان کو عوام کے مسائل سے کوئی سروکار نہیں ہے۔