فیاض الحسن چوہان نے مافیا کی ٹھیک تعریف بیان کی ہے‘ ماروی میمن

درست کہا ہے مافیا پہلے خریدتا اور ناکامی پر بلیک میل کرتا ہے‘ ٹوئٹر پر بیان

پیر 15 جولائی 2019 16:20

لاہور(اُردو پوائنٹ اخبارتازہ ترین - این این آئی۔ 15 جولائی2019ء) پاکستان مسلم لیگ (ن)کی رہنما ماروی میمن نے کہاہے کہ فیاض الحسن چوہان نے مافیا کی جو تعریف بیان کی وہ ٹھیک ہے، انہوں نے درست کہا ہے کہ مافیا پہلے خریدتا اور ناکامی پر بلیک میل کرتا ہے۔

(جاری ہے)

سماجی رابطے کی ویب سائٹ ٹوئٹر پر اپنے بیان میں ماروی میمن نے کہا کہ فیاض الحسن چوہان نے مافیاکی جو تعریف بیان کی وہ ٹھیک ہے، درست کہا ہے کہ مافیا پہلے خریدنے کی کوشش کرتاہے اور ناکامی پر بلیک میل کرتا ہے، مافیابلیک میلنگ میں ناکامی کے بعد ختم کر دیتا ہے۔

یاد رہے صوبائی وزیر فیاض الحسن چوہان نے میڈیا سے گفتگو میں کہا تھا بیٹی ججز کی ویڈیو چلاتی ہے، بیٹے رشوت کا بازارگرم کرتے ہیں، سسلین مافیا وہ تھا جو پہلے خریدتا تھا اور ناکامی پر بلیک میل کرتا تھا۔