عالیہ بھٹ نے شادی کا جوڑا تیار کرنے کا آرڈر دیدیا

رنبیر کپور اور عالیہ بھٹ کا یہ فلمی جوڑا حقیقت میں اگلے سال اپریل میں ایک ہو جائے گا

جمعہ 26 جولائی 2019 11:49

عالیہ بھٹ نے شادی کا جوڑا تیار کرنے کا آرڈر دیدیا

ممبئی (اُردو پوائنٹ اخبارتازہ ترین - این این آئی۔ 26 جولائی2019ء) بالی وڈ اداکارہ عالیہ بھٹ اور رنبیرکپور کی شادی کے حوالے سے کچھ عرصہ سے خبریں گرم ہیں تاہم ایک اور تازہ خبرکے مطابق عالیہ بھٹ نے اپنی شادی کے لیے لہنگا پسند کر کے تیاری کا آڈر بھی دے دیا ہے۔

(جاری ہے)

رپورٹ کے مطابق اداکارہ عالیہ بھٹ اور رنبیر کپور کی جانب سے اب تک شادی سے متعلق کوئی حتمی فیصلہ نہیں کیا گیا کہ کہ کب انجام پذیر پائے گی تاہم عالیہ بھٹ نے اپنی زندگی کے سب سے اہم موقع یعنی شادی کے دن پہنے جانے والا لہنگا بھارت کی مشہور ڈیزائینر ’سبیاساچی مکھرجی‘ کو تیار کرنے کے لیے آڈر دے دیا ہے۔

سبیاساچی صرف عالیہ ہی کی پسندیدہ ڈیزائینر نہیں ہیں بلکہ اس سے قبل دیپکا پڈوکون، پریانکا چوپڑا اور انوشکا شرما بھی اپنی شادی کے لیے ساڑھی، لہنگا اور دیگر سوٹ ان سے ڈیزائن کروا چکی ہیں۔ بھارتی میڈیا کے مطابق توقع ہے کہ یہ فلمی جوڑا حقیقت میں اگلے سال کے چوتھے ماہ یعنی اپریل میں ایک ہو جائے گا۔