Live Updates

کشمیر بھارت کا اندرونی مسئلہ نہیں ہے، بھارت نے مسئلہ کشمیر کی حیثیت کو تبدیل کر کے اقوام متحدہ کی متعدد قراردادوں کی کھلم کھلا خلاف ورزی کی ہے

موسمیاتی تبدیلی کی وزیر مملکت زرتاج گل کا ٹویٹ

اتوار اگست 16:45

کشمیر بھارت کا اندرونی مسئلہ نہیں ہے، بھارت نے مسئلہ کشمیر کی حیثیت ..
اسلام آباد ۔ (اُردو پوائنٹ اخبارتازہ ترین - اے پی پی۔ 11 اگست2019ء) موسمیاتی تبدیلی کی وزیر مملکت زرتاج گل نے کہا ہے کہ کشمیر بھارت کا اندرونی مسئلہ نہیں ہے، مقبوضہ وادی میں معصوم اور نہتے کشمیریوں پر بھارتی مظالم کی حالیہ لہر پر ردعمل دیتے ہوئے سماجی رابطوں کی ویب سائٹ ٹویٹر پر اتوار کو اپنے ٹویٹ میں کہا ہے کہ بھارت نے مسئلہ کشمیر کی حیثیت کو تبدیل کر کے اقوام متحدہ کی متعدد قراردادوں کی کھلم کھلا خلاف ورزی کی ہے۔

(جاری ہے)

 
انہوں نے واضح کیا کہ پاکستان کشمیریوں کے خلاف بھارت کے فاشٹ اقدامات کو روکنے کیلئے کسی بھی حد تک جا سکتا ہے۔ زرتاج گل نے کہاکہ بھارتی مقبوضہ کشمیر میں تعینات آر ایس ایس کے انتہا پسندوں نے 14 ملین کشمیریوں پر کرفیو لگا رکھا ہے۔ اپنے ٹویٹ میں انہوں نے کہا کہ کشمیر بھارت کا اندرونی مسئلہ نہیں ہے بلکہ بھارت نے مقبوضہ وادی کی حیثیت میں تبدیلی سے اقوام متحدہ کی قراردادوں کی خلاف ورزی کی ہے۔ انہوں نے کہا کہ پاکستان فاشٹ مودی کے غیر انسانی اقدامات کو روکنے کیلئے کسی بھی حد تک جا سکتا ہے۔
مقبوضہ کشمیر کی خودمختاری ختم سے متعلق تازہ ترین معلومات