فلور ملزایسوسی ایشن پنجاب برانچ کے انتخابات 2019-20 کیلئے آواز گروپ کے تمام امیدوار بلامقابلہ کامیاب

لاہور (اُردو پوائنٹ اخبارتازہ ترین - این این آئی۔ 22 اگست2019ء) پاکستان فلور ملز ایسوسی ایشن (پنجاب برانچ) کے انتخابات 2019-20 کیلئے آواز گروپ کے امیدوار بلامقابلہ کامیاب ہو گئے ۔ آواز گروپ کی جانب سے ایسوسی ایٹ کلاس کیلئے 4 امیدوار میاں نسیم حسن ، سیٹھ محمد اسلم ، شہباز محمود اور عثمان مقبول راجپوٹ جبکہ کارپوریٹ کلاس میں بھی4 امیدواروں شیخ محمد خالد، شاہد اسحاق، ملک شاہد رمضان اور عثمان محمود کے نام دیئے گئے تھے۔

پاکستان فلور ملز ایسوسی ایشن (پنجاب برانچ) کے انتخابات2019-20 کیلئے آواز گروپ کے مقابلے میں کسی بھی دوسرے گروپ یا فرد کی جانب سے کاغذات نامزدگی جمع نہیں کروائے گئے جس کے بعد گزشتہ چند سالوں کی طرح اس مرتبہ بھی آواز گروپ نے بلامقابلہ ہی انتخابات جیت لئے ہیں۔

(جاری ہے)

پاکستان فلور ملز ایسوسی ایشن کی30 ستمبر 2019 کو ریٹائرڈ ہونے والے ایگزیکٹو کمیٹی پنجاب کے کارپوریٹ کلاس کے ممبران میںچوہدری عبدالجبارجبار، محمد نواز بٹ ، محمد وسیم ظفر، حافظ احمد قادرجبکہ ایسوسی ایٹ کلاس سے حبیب الرحمن خان لغاری، ملک محمد حفیظ ، ملک ممتاز حسین اور سلمان حامد شامل ہیں۔

30 ستمبر 2020 تک ممبران ایگزیکٹو کمیٹی (پنجاب) رہنے والے ممبران کارپوریٹ کلاس میاں محمد ریاض ، چوہدری افتخار احمد مٹو ، چوہدری عبدالرئوف مختار، چوہدری محمد جمیل جبکہ ایسوسی ایٹ کلاس میں آفتاب غنی مرزا،چوہدری جاوید اقبال گوندل، چوہدری عبدالمجید چیمہ اور شیخ محمد سعید شامل ہیں۔