آرمی چیف جنرل قمر جاوید باجوہ کا آرمی میڈیکل کمپلیکس ایبٹ آباد کا دورہ ، یار گار شہداء پر حاضری دی اور فاتحہ خوانی کی

سربراہ پاک فوج نے دہشت گردی کے خلاف جنگ میں قیمتی جانیں بچانے پر آرمی میڈیکل کمپلیکس کے کردار کو سراہا

جمعرات 12 ستمبر 2019 17:43

آرمی چیف جنرل قمر جاوید باجوہ کا آرمی میڈیکل کمپلیکس ایبٹ آباد کا ..

راولپنڈی (اُردو پوائنٹ اخبارتازہ ترین - این این آئی۔ 12 ستمبر2019ء) چیف آف آرمی اسٹاف جنرل قمر جاوید باجوہ نے ایبٹ آباد میں آرمی میڈیکل کمپلیکس کا دورہ کیا اور یادگار شہدا پر حاضری دے کر فاتحہ خوانی کی۔ جمعرات کو آئی ایس پی آر کے مطابق آرمی چیف نے دورے کے دوران لیفٹیننٹ جنرل خاور رحمن کو آرمی میڈیکل کمپلیکس کے کرنل کمانڈر کے عہدے پر تعینات کیا۔

(جاری ہے)

اس موقع پر سابق کرنل کمانڈنٹ لیفٹیننٹ جنرل زاہد حامد، ریٹائرڈ اور سینئر افسران کے ساتھ ساتھ آرمی میڈیکل کور کے سپاہیوں کی بڑی تعداد بھی موجود تھی۔شعبہ تعلقات عامہ نے بتایا کہ آرمی چیف نے کمانڈنگ افسران اور سپاہیوں سے خطاب کرتے ہوئے دہشت گردی کے خلاف جنگ میں قیمتی جانیں بچانے پر آرمی میڈیکل کمپلیکس کے کردار کو سراہا۔جنرل قمر جاوید باجوہ نے پاک فوج کے ساتھ ساتھ عام شہریوں کو بہترین طبی سہولیات کی فراہمی پر ڈاکٹرز اور پیرامیڈکس کی خدمات اور کردار کو بھی سراہا۔