ڈارمہ سیریل ’کہیں دیپ جلے کا او ایس ٹی گانا ریلیز ،لوگوں پر سحر طار ی کردیا

ہفتہ 5 اکتوبر 2019 11:53

لاہور (اُردو پوائنٹ اخبارتازہ ترین - این این آئی۔ 05 اکتوبر2019ء) ڈارمہ سیریل ’کہیں دیپ جلے ‘کے او ایس ٹی گانے نے ریلیز ہوتے ہی لوگوں کے دلوں کو چھو لیا ، عبداللہ کادوانی اوراسد قریشی کی پروڈکشن کے اس سیریل میں عمران اشرف اور نیلم منیرخان مرکزی کردار کررہے جبکہ دیگر کاسٹ میں علی عباس، نازش جہانگیر، صبا فیصل، صبا حمید، علی انصاری، حماد فاروقی، مدیحہ رضوی، ندا ممتاز ، بینا چوہدری، شہزاد مختار اور فرح ندیم شامل ہیں۔

ڈرامے کے گانے کی ویڈ یو مرکزی کرداروں کے درمیان پیا ر اور نفرت کے جذبات کی عکاسی کر رہی ہے۔یہ خوبصورت گانا معروف گلو کار ساحر علی بگا نے گا یا ہے اور ان کی آواز نے گانے کو چار چاند لگا دیئے ہیں۔اس گانے کی کمپوزیشن بھی ساحر علی بگا نے ہی کی ہے۔

(جاری ہے)

گانے کی شاعری افسردگی کو بیان کر رہی ہے اور ساحر علی بگا نے گانے کے جذبات کو خوبصورتی سے گا کر بیان کیا۔

ڈرامے کی کہانی قیصر حیات نے تحریر کی ہے جبکہ ہدایات صائمہ وسیم نے دی ہیں، ڈرامے کی کہانی عمران اشرف اور نیلم منیر کے درمیان پیچیدہ تعلقات کی دلچسپ کہانی ہے، ڈرامے کی کہانی معصوم اور خوبصورت ردا کے گرد گھوم رہی ہے، جسے اپنی بھابھی کی وجہ سے پیدا ہونے والی غلط فہمیوں کی وجہ سے پریشانی کا سامناہے، جو کہ اسے بدنام کرنے کیلئے کوئی کسر اٹھا نہیں رکھتی۔

Facebook Twitter Google + Share on Whatsapp

ڈارمہ سیریل ’کہیں دیپ جلے کا او ایس ٹی گانا ریلیز ،لوگوں پر سحر طار ی کردیا

متعلقہ عنوان :

مزید فن و فنکار کی خبریں