قندیل بلوچ قتل کیس‘ انٹر پول کی کارروائی، مفرور اشتہاری ملزم گرفتار

مقتولہ کے بھائی ملزم عارف کو پولیس تھانہ مظفر آباد کے حوالے کر دیا گیا

اتوار 6 اکتوبر 2019 11:50

ملتان (اُردو پوائنٹ اخبارتازہ ترین - این این آئی۔ 06 اکتوبر2019ء) ماڈل قندیل بلوچ قتل کیس میں اہم پیشرفت سامنے آئی ہے، مفرور اور اشتہاری ملزم عارف کو انٹر پول کے زریعے گرفتار کر لیا گیا ۔پولیس زرائع کے مطابق مقتولہ کے بھائی ملزم عارف کو پولیس تھانہ مظفر آباد کے حوالے کر دیا گیا ہے۔

(جاری ہے)

عدالت نے سعودی عرب میں مقیم ملزم عارف کو اشتہاری قرار دیا تھا۔ ماڈل قندیل بلوچ قتل کیس میں بھی ملزم عارف کے جرم کا فیصلہ ہونا باقی ہے۔ذرائع کے مطابق ملزم عارف کے حوالے سے علیحدہ چالان عدالت میں پیش کیا جائے گا۔یاد رہے کہ کیس کے مر کزی ملزم وسیم کو عمر قید کی سزا سنائی جا چکی ہے۔ عارف کو بیرون ملک ہونے کے باعث اشتہاری قرار دیا گیا تھا جسے گزشتہ روز گرفتار کر کے ملتان منتقل کر دیا گیا ہے۔