وزیر اعظم عمران خان کی زیر صدارت امن و امان کے حوالے سے جائزہ اجلاس

ملکی داخلی سیکورٹی کی صورتحال اور عوام کے جان و مال کے تحفظ کے حوالے سے معاملات پر غور کیا گیا

بدھ 16 اکتوبر 2019 19:20

وزیر اعظم عمران خان کی زیر صدارت امن و امان کے حوالے سے جائزہ اجلاس

اسلام آباد ۔ (اُردو پوائنٹ اخبارتازہ ترین - اے پی پی۔ 16 اکتوبر2019ء) وزیر اعظم عمران خان کی زیر صدارت امن و امان کے حوالے سے بدھ کوجائزہ اجلاس اسلام آباد میں منعقد ہوا۔

(جاری ہے)

اجلاس میں وفاقی وزیر داخلہ بریگیڈیر (ر) اعجاز احمد شاہ، وفاقی وزیر تعلیم و تربیت شفقت محمود، وزیر اعلی پنجاب سردار عثمان بزدار، وزیر اعلی خیبر پختونخوا محمود خان، معاون خصوصی برائے اطلاعات ڈاکٹر فردوس عاشق اعوان اور سینئر افسران نے شرکت کی۔ اجلاس میں ملکی داخلی سیکورٹی صورتحال اور عوام کے جان و مال کے تحفظ کے حوالے سے معاملات پر غور کیا گیا۔ اجلاس میں آنے والے دنوں میں پاکستان کا دورہ کرنے والے غیر ملکی سربراہان کے لیے کیے گئے سیکورٹی انتظامات پر بھی وزیر اعظم کو بریفنگ دی گئی۔