ن لیگ کاضلعی ورکرزکنونشن کل ہوگا،امیرمقام،احسن اقبال ،مریم اورنگزیب مہمان ہونگے

جمعہ 18 اکتوبر 2019 17:22

پشاور(اُردو پوائنٹ اخبارتازہ ترین - این این آئی۔ 18 اکتوبر2019ء) پاکستان مسلم لیگ کے زیراہتمام کل بروزاتوار20اکتوبرکوحجرہ راشدمحمودخان میں ضلعی ورکرزکنونشن منعقد ہوگا جس میں پارٹی کے صوبائی صدرامیرمقام، مرکزی جنرل سیکرٹری احسن اقبال اورترجمان مریم اورنگزیب خطاب کرینگے ۔

(جاری ہے)

پاکستان مسلم لیگ خیبرپختونخوا کے صوبائی نائب صدر فضل اللہ دائودزئی،پی کی67کے صدر ڈاکٹرسفیراللہ،جنرل سیکرٹری بحراللہ خان،سینئرنائب صدر قاری مظفرشاہ،نائب صدر ڈاکٹرسیدبہادر،یوتھ ونگ کے صدر جان بادشاہ ،جنرل سیکرٹری ثاقب خان نے ایک مشترکہ بیان میں کہاہے کہ مسلم لیگی آزادی مارچ میں پارٹی قائدین کے فیصلے کے مطابق بھرپورشرکت کریں گے اس سلسلے میں 20اکتوبربروزاتوارحجرہ راشدمحمودخان میں ضلعی ورکرزکنونشن منعقدہوگاجس سے صوبائی صدرانجینئرامیرمقام ،مرکزی جنرل سیکرٹری احسن اقبال،ترجمان مریم اورنگزیب خطاب کرینگے۔

انہوں نے کہاکہ عوام اب موجودہ حکومت کی ناکامی کے بعد ایک بار پھر مسلم لیگ حکومت کیلئے ترس رہی ہے کنونشن میں شرکت کیلئے ہر صوبائی حلقے سے ورکرزجلوسوں کی شکل میں شریک ہونگے ۔