مودی سر کار جس سوچ کی مالک ہے ان سے تو مذاکرات کی امید نہیں ، وزیر خارجہ

بھارتی وزیر اعظم کس قانون کے تحت پاکستان کا پانی روکیں گے بھارت نے پاکستان کو بلیک لسٹ میں دھکیلے کی پوری کوشش کی ، پاکستان اپنے دفاع کا حق رکھتا ہے،ہم جلد کرتار پور راہداری کا افتتاح کرنے جا رہے ہیں، شاہ محمود قریشی کا انٹرویو

اتوار 20 اکتوبر 2019 20:40

اسلام آباد (اُردو پوائنٹ اخبارتازہ ترین - این این آئی۔ 20 اکتوبر2019ء) وزیر خارجہ شاہ محمود قریشی نے کہا ہے کہ مودی سرکاری جس سوچ کی مالک ہے ان سے تو مذاکرات کی امید نہیں ہی بھارتی وزیر اعظم کس قانون کے تحت پاکستان کا پانی روکیں گے بھارت نے پاکستان کو بلیک لسٹ میں دھکیلے کی پوری کوشش کی ، پاکستان اپنے دفاع کا حق رکھتا ہے،ہم جلد کرتار پور راہداری کا افتتاح کرنے جا رہے ہیں۔

ایک انٹرویومیں وزیر خارجہ نے کہا کہ بھارت بوکھلاہٹ کا شکار ہے اور خطے کا امن تباہ کرنا چاہتا ہے جبکہ بھارت کا بیانیہ کشمیریوں نے مسترد کر دیا ہے۔انہوں نے کہا کہ بھارتی وزیر اعظم کس قانون کے تحت پاکستان کا پانی روکیں گے بھارت نے پوری کوشش کی کہ پاکستان کو بلیک لسٹ میں دھکیلے لیکن پاکستان اپنے دفاع کا حق رکھتا ہے۔

(جاری ہے)

شاہ محمود قریشی نے کہا کہ بھارت کسی کو بھی مقبوضہ وادی کشمیر کا دورہ کرنے نہیں دے رہا جبکہ کشمیری بھارت سے بغاوت کر چکے ہیں اور بھارت سے نالاں ہیں، آج بھی اگر بھارت کوئی دعویٰ کر رہا ہے تو عالمی میڈیا آئے اور حقیقت دیکھ لے۔

بھارت نے جھوٹا دعویٰ کر کے بالا کوٹ پر حملہ کیا تھا اور بالا کوٹ حملے سے متعلق بھارتی جھوٹ دنیا میں بے نقاب ہوا۔انہوں نے بھارتی وزیر اعظم سے متعلق بات کرتے ہوئے کہا کہ مودی سرکار جس سوچ کی مالک ہے اس سے تو مذاکرات کی امید نہیں ہے۔ بھارت کے اقدامات ایسے ہیں وہ خطے کے امن کو نقصان پہنچانا چاہتا ہے لیکن ہم نے ہمیشہ معاملات کو سلجھانے کی کوشش کی ہے۔وزیر خارجہ نے کہا کہ ہم جلد کرتار پور راہداری کا افتتاح کرنے جا رہے ہیں۔