ذ* اے پی ایس کے شہداء نے ملک کیلئے بہت بڑی قربانیاں دی ہیں،جمال شاہ کاکڑ

Eکوئٹہ (اُردو پوائنٹ اخبارتازہ ترین - آن لائن۔ 15 دسمبر2019ء) پاکستان مسلم لیگ(ن)بلوچستان کے صدر عبدالقادر بلوچ،جنرل سیکرٹری جمال شاہ کاکڑ نے اے پی ایس کے شہداء کو خراج تحسین پیش کرتے ہوئے کہا کہ اے پی ایس کے شہداء نے ملک کیلئے بہت بڑی قربانیاں دی ہیں اور ان کی قربانیاں رائیگاں نہیں جائے گی پاکستان مسلم لیگ(ن)آج بھی غمزدہ خاندانوں کے ساتھ ہے دہشتگردی نے پاکستان کی معیشت کو تباہ کردیا ہمارے فورسز طالبعلموں اور نوجوانوں نے دہشتگردی کے خلاف فرنٹ لائن کا کردارادا کیا اپنے جاری کردہ بیان میں انہوں نے کہا کہ پاکستان مسلم لیگ(ن)نے روز اول سے لیکر آج تک ملک میں ہونے والے دہشتگردی کی مذمت کی ہے کیونکہ دہشتگردی جیسے ناسور نے ملکی معیشت کو تباہ کر دیا اور سانحہ اے پی ایس کے شہداء نے جس طرح قربانیاں دی تاریخ میں اس کی مثال نہیں ملتی انہوں نے کہا کہ ملک دشمن عناصر قوتیں کبھی بھی پاکستان کی ترقی وخوشحالی نہیں چاہتے دشمنوں نے ہمارے مسجدوں ،امام بارگاہوں،اسکولوںاور ہسپتالوں سمیت کسی بھی جگہ کو نہیں چھوڑا اور ہر جگہ پر دہشتگردی کے واقعات کئے اور ہمار ے معصوم اور نہتے لوگوں کو نشانہ بنا یا مگر ہم نے ہمیشہ دہشتگری کے خلاف جدوجہد کی اور ہرموقع پر دہشتگردی کامقابلہ کیا انہوں نے کہا کہ دہشتگردی واقعات میں ملکی معیشت بالکل تباہ ہوکر رہ گئی تھی مگر فورسز اور عوام نے ملکر دہشتگردی کی کمر توڑ ڈالی مگر اس کے باوجود ہم نے ہمت نہیں ہاری اور ہمیشہ دہشتگردوں کے خلاف فرنٹ لائن کا کردارادا کیا مگر بدقسمتی سے آج ہمارے ہی حکمران دہشتگردوں کے خلاف کارروائی کرنے سے گریزاں ہیں اور اقوام متحدہ میں جاکر ہماری تمام قربانیوں کوضائع کر دیا اور کہہ رہے ہیں کہ ہمارے ہی ملک نے دہشتگردوں کو سپورٹ کیا ہے اگر اس طرح حکمران اپنے ہی ملک کے خلاف سازشوں میں مصروف ہوں تو اس طرح حکمران ہمارے اوپر مسلط ہونگے تو ہمارے حالات ایسے ہی ہونگے۔