پاک بھارت تعلقات کے حوالے سے بڑی پیش رفت، نریندر مودی کا وزیراعظم عمران خان کو مدعو کرنے کا فیصلہ

بھارتی میڈیا کے مطابق بھارتی وزیراعظم کی جانب سے شنگھائی تعاون تنظیم کے سربراہی اجلاس میں شرکت کیلئے عمران خان کو باقاعدہ دعوت دی جائے گی

muhammad ali محمد علی بدھ جنوری 20:53

پاک بھارت تعلقات کے حوالے سے بڑی پیش رفت، نریندر مودی کا وزیراعظم عمران ..
اسلام آباد (اردو پوائنٹ تازہ ترین اخبار۔15 جنوری 2019ء) پاک بھارت تعلقات کے حوالے سے بڑی پیش رفت، نریندر مودی کا وزیراعظم عمران خان کو مدعو کرنے کا فیصلہ، بھارتی میڈیا کے مطابق بھارتی وزیراعظم کی جانب سے شنگھائی تعاون تنظیم کے سربراہی اجلاس میں شرکت کیلئے عمران خان کو باقاعدہ دعوت دی جائے گی۔ تفصیلات کے مطابق بھارتی اخبار میں شائع کردہ رپورٹ میں دعویٰ کیا گیا ہے کہ بھارتی وزیراعظم نریندر مودی نے پاکستان کے وزیراعظم عمران خان کو بھارت کا دورہ کرنے کی دعوت دینے کا فیصلہ کیا ہے۔

بتایا گیا ہے کہ شنگھائی تعاون تنظیم کا سربراہی اجلاس اس مرتبہ بھارت میں ہوگا، اور قواعد کے مطابق بھارت پر تمام ممبران کو کانفرنس میں شرکت کیلئے دعوت دینا لازم ہے۔ آئندہ چند روز میں بھارت باقاعدہ سفارتی ذرائع سے وزیر اعظم عمران خان کو دعوت نامہ جاری کرے گا۔

(جاری ہے)

وزیر اعظم عمران خان کے بھارت جانے یا نہ جانے کا فیصلہ بھی پاکستان باقاعدہ دعوت نامہ موصول ہونے کے بعد ہی کرے گا۔

تاہم قوی امکان یہی ہے کہ مقبوضہ کشمیر کی موجودہ صورتحال کے باعث پاکستان بھارت میں شیڈول کانفرنس میں شرکت نہیں کرے گا۔ واضح رہے کہ گزشتہ برس فروری میں پاک بھارت عسکری ٹکراو کے بعد سے دونوں ممالک کے تعلقات انتہائی کشیدہ ہیں۔ جبکہ 5 ماہ قبل مودی سرکار کی جانب سے مقبوضہ کشمیر میں ظالمانہ کرفیو نافذ کیے جانے اور وادی کی خود مختار حیثیت ختم کیے جانے کے بعد سے خطے کے حالات مزید کشیدہ ہوئے ہیں۔ ذرائع کا دعویٰ ہے کہ روس کی جانب سے پاکستان اور بھارت کے درمیان کشیدگی کو کم کروانے کی کوششیں کی جا رہی ہیں، تاہم پاکستان واضح کر چکا ہے کہ کشمیر کے مسئلے پر کسی صورت کوئی سمجھوتہ نہیں ہوگا۔