آئی سی سی انڈر 19 ورلڈکپ روایتی حریف پاکستان اور بھارت کی ٹیمیں میگا ایونٹ میں 9 مرتبہ نبرد آزما ہوئیں
جہاں 5 میچز میں کامیابی پاکستان کے نام رہی، افغانستان کے خلاف میچ میں پراعتماد بیٹنگ کی، امید ہے بھارت کے خلاف لمبی اننگز کھیلنے میں کامیاب رہوں گا، حیدر علی
پیر 3 فروری 2020 15:07
(جاری ہے)
دونوں ٹیمیں اس سے قبل آئی سی سی انڈر 19 کرکٹ ورلڈکپ 2006ء کے فائنل میں نبردآزما ہوچکی ہیں۔
اس تاریخی میچ میں پاکستان نے 109 رنز پر مشتمل کم ہدف کا دفاع کرتے ہوئے حریف ٹیم کو 71 رنز پر ڈھیر کرکے شکست سے دوچار کردیا تھا۔ اس میچ میں پاکستان کی قیادت سرفرازا حمد کررہے تھے جبکہ انور علی اور عماد وسیم بھی فائنل الیون کا حصہ تھے، تاہم بھارتی ٹیم میں روہت شرما، رویوندرا جدیجہ، چتیشور پجارا اور پیوش چاؤلہ جیسے نامور کھلاڑی شامل تھے۔ آئی سی سی انڈر 19 ورلڈکپ میں پاکستان اور بھارت کی ٹیمیں 9 مرتبہ ایک دوسرے کے مدمقابل آچکی ہیں، جہاں کامیابی5 مرتبہ پاکستان جبکہ 4 مرتبہ بھارت کے نام رہی۔ پاکستان اور بھارت کی ٹیموں کے درمیان آخری 4 میچز میں 3 بھارت اور 1 پاکستان نے جیتا ہے۔ اس سے قبل بھی دونوں ٹیمیں گذشتہ ایڈیشن کے سیمی فائنل میں ٹکرائی تھیں جہاں بھارت نے فتح حاصل کی تھی۔ رواں ایڈیشن میں پاکستان نے تاحال بیٹنگ اور باؤلنگ دونوں شعبوں میں نمایاں کارکردگی کا مظاہرہ کیا ہے۔ گروپ میچز میں اسکاٹ لینڈ کو 75 رنز پر ڈھیر کرنے والی پاکستانی باؤلنگ لائن اپ نے دوسرے سیمی فائنل میں رسائی حاصل کرنے والی بنگلہ دیش کی ٹیم کے 9 کھلاڑیوں کو محض 106 رنز پر پویلین واپس بھجوادیا تھا، دونوں ٹیموں کے درمیان میچ بارش کے باعث مکمل نہیں ہوسکا تھا۔ ایونٹ کے کوارٹرفائنل میں بھی پاکستان نے افغانستان کو 189 پر ڈھیر کرکے کامیابی حاصل کی تھی۔ بیٹنگ کے شعبے میں بھی پاکستان کی کارکردگی متاثر کن رہی ہے۔ زمبابوے کے خلاف 73 رنز پر ابتدائی 3 وکٹیں گرنے کے باوجود پاکستان انڈر19 ٹیم 294 رنز کا ہدف مقرر کرنے میں کامیاب رہی تھی۔ افغانستان کے مضبوط باؤلنگ اٹیک کے باوجود قومی انڈر19 ٹیم نے 190 رنز کا ہدف محض 4 وکٹوں کے نقصان پر حاصل کیا تھا۔ ایونٹ کے 4 میچوں میں 9 وکٹیں حاصل کرکے آل راؤنڈر عباس آفریدی تاحال پاکستان کے سب سے کامیاب باؤلر ہیں۔ محمد عامر خان اور طاہر حسین بالترتیب 2 اور 4 میچوں میں 7،7 وکٹیں حاصل کرچکے ہیں۔ بیٹنگ ڈیپارٹمنٹ میں مڈل آرڈر بیٹسمین محمد حارث 110 رنز بناکر اب تک ایونٹ میں پاکستان کے سب سے کامیاب بیٹسمین ہیں۔ زمبابوے کے خلاف 81 رنزکی اننگز اب تک ایونٹ میں ان کا بہترین سکور ہے۔ اس فہرست میں دوسرا نام قاسم اکرم کاہے، جن کا مجموعی سکور 84 ہے۔ سیمی فائنل میچ کے دوران پاکستان انڈر 19 ٹیم کی نظریں دائیں ہاتھ کے بلے باز حیدر علی پر جمی ہوں گی۔ نوجوان بلے باز نے کوارٹرفائنل میں 34 گیندوں پر 5 چوکوں کی مد د سے 28 رنز کی اننگز کھیل کر ٹیم کو ایک مستحکم آغاز فراہم کیا تھا۔حالیہ ڈومیسٹک سیزن اور اے سی سی ایمرجنگ ٹیمز ایشیا کپ کے سیمی فائنل میں سنچری سکور کرنے والے حیدر علی تاحال ایونٹ میں متاثرکن کارکردگی کا مظاہرہ نہیں کرسکے ،تاہم انہیں امید ہے کہ وہ سیمی فائنل میں عمدہ کارکردگی کا مظاہرہ کریں گے۔ قومی انڈر 19 کرکٹ ٹیم کے اوپننگ بیٹسمین حیدر علی کا کہنا ہے کہ افغانستان کے خلاف مثبت آغاز سے ان کے اعتماد میں اضافہ ہوا ہے۔ انہوں نے کہا کہ وہ بھارت کے خلاف میچ میں لمبی اننگز کھیلنے کی کوشش کریں گے۔ حیدر علی نے کہاکہ ہر دن نیا ہوتا ہے اور وہ سیمی فائنل کے لیے میدان میں اترنے سے قبل کسی دباؤ کا شکار نہیں ہیں۔ انہوں نے کہا کہ سابق کرکٹرز افغانستان کے خلاف میچ میں ان کی بلے بازی کو سراہ رہے ہیں، جس سے ان میں خوداعتمادی بڑھ رہی ہے۔ حیدر علی نے مزید کہا کہ انہوں نے اے سی سی ایمرجنگ ٹیمز ایشیا کپ میں بھارت کے خلاف 45 رنز کی اننگز کھیلی تھی۔ وہ پراعتماد ہیں کہ سیمی فائنل میچ میں بطور اوپنر وہ 100 فیصد کارکردگی کا مظاہرہ کریں گے، جو ٹیم کی جیت میں اہم کردار ادا کرے گی۔مزید کھیلوں کی خبریں
-
انگلینڈ کے دورے کے لیے پاکستان ویمنز کرکٹ ٹیم کا اعلان
-
پاکستان میں ٹیبل ٹینس کیلئے دنیائے ٹیبل ٹینس کے نامورکوچ وجیراکرماسنگھے کے ساتھ معاہدہ ہوگیا
-
ٹی20 ورلڈکپ 2024؛ پاک بھارت ٹیمیں سیمی فائنل تک نہیں پہنچیں گی،مائیکل وان
-
دورہ آئرلینڈ اورانگلینڈ کیلئے پاکستان کے اسکواڈ کا اعلان کل کیا جائیگا
-
ویمن ٹیم کے لیے بھی غیرملکی کوچ تلاش کررہے ہیں، محسن نقوی
-
ٹی ٹوئنٹی ورلڈ کپ کیلئے افغانستان ٹیم کا اعلان،راشد خان قیادت کریں گے
-
پرائم منسٹر ٹیلنٹ ہنٹ یوتھ نیشنل ٹیبل ٹینس لیگ جاری، پنجاب اور خیبر پختونخوا آگے
-
چیمپئنز ٹرافی،بھارتی ٹیم کے میچز ایک ہی شہر میں رکھنے کی تجویز
-
آئی سی سی رینکنگ: ٹی ٹوئنٹی میں بابر کی ایک درجے ترقی، رضوان کا تیسرا نمبر
-
امریکا میں ٹی ٹوئنٹی ورلڈکپ، پاک بھارت ٹاکرا، پِچ کی تنصیب کا کام جاری
-
مستقبل کے بارے میں خوف اور خدشات کا شکار نہ ہوں اور اللّٰہ تعالیٰ پر بھروسہ رکھیں، ثانیہ مرزا کا مستقبل کیلئے فکر مند لوگوں کو پیغام
-
انگلینڈ کے دورے کیلئے پاکستان ویمنزکرکٹ ٹیم کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.