محکمہ موسمیات نے آئندہ چوبیس گھنٹوں کے دوران ہلکی بوندا باندی اور بارش کی پیشگوئی کر دی

بدھ 12 فروری 2020 21:50

لاہور (اُردو پوائنٹ اخبارتازہ ترین - آن لائن۔ 12 فروری2020ء) محکمہ موسمیات نے آئندہ چوبیس گھنٹوں کے دوران میں ہلکی بوندا باندی اور بارش کی پیشگوئی کردی ہے۔ اس سلسلے میں محکمہ موسمیات کا کہنا ہے کہ مغربی ہوائوں پر مشتمل بارش برسانے والا نیا سپیل لاہور کی حدود میں داخل ہوگیا ہے۔

(جاری ہے)

جو موسم سرما کا بارش برسانے والا آخری سپیل ہے۔ جس کے باعث بدھ کے روز شہر میں سورج اور دھوپ کے درمیان آنکھ مچولی کا سلسلہ جایر رہا۔ اس سلسلے کی وجہ سے شہر کا کم سے کم درجہ حرارت 8 ڈگری سینٹی گریڈ ریکارڈ کیا گیا جبکہ مری میں بارش اور برس باری کی وجہ سے لاہور کے درجہ حرارت میں مزید کمی واقعہ ہونے کا بھی امکان ہے۔