پی ایس ایل5 میں بھی پنجابی میں کمنٹری ہونی چاہئے، وہاب ریاض

کبڈی پنجابیوں کا کھیل ہے ، کبڈی میچز میں جب پنجابی میں کمنٹری ہو رہی تھی تو بہت اچھا لگ رہا تھا: قومی پیسر

ذیشان مہتاب بدھ 19 فروری 2020 12:27

پی ایس ایل5 میں بھی پنجابی میں کمنٹری ہونی چاہئے، وہاب ریاض

لاہور(اردو پوائنٹ تازہ ترین اخبار۔19فروری2020ء ) قومی فاسٹ باولر وہاب ریاض نے قومی کبڈی ٹیم کو ورلڈ کپ جیتنے پر مبارکباد دیتے ہوئے کہا کہ پاکستان کے پاس کوئی بھی ٹائٹل آئے اس سے زیادہ خوشی کی بات کوئی نہیں ہو سکتی۔ قومی کھلاڑی وہاب ریاض نے میڈیا سے گفتگو کرتے ہوئے کہا کہ کبڈی کے ورلڈ کپ میں پنجابی میں کمنٹری سے بہت متاثر ہوا ہوں۔ کبڈی پنجابیوں کا کھیل ہے اور کبڈی میچز میں جب پنجابی میں کمنٹری ہو رہی تھی تو بہت اچھا لگ رہا تھا۔

(جاری ہے)

انہوں نے کہا کہ ہنجابی میں کمنٹری سن کر ہی میں نے مشورہ دیا تھا کہ پاکستان سپر لیگ( پی ایس ایل) کے میچز میں بھی پنجابی میں کمنٹری ہونی چاہئے۔

Any one else loving the punjabi commentary? Wouldn’t mind it for the PSL too😂 #KabaddiWC2020
— Wahab Riaz (@WahabViki) February 16, 2020

وہاب ریاض نے کہاکہ جب بھی کوئی میچ یا ٹائٹل جیتا جاتا ہے تو اس میں کسی ایک کھلاڑی کی نہیں بلکہ پوری ٹیم کی محنت ہوتی ہے۔ کبڈی ٹیم کی جیت میں فہد چشتی کے ساتھ پوری ٹیم نے بھرپور حصہ لے کر پاکستان کا نام روشن کیا۔انہوں نے کبڈی کے کھیل کی تعریف کرتے ہوئے کہا کہ میں نے کبھی کبڈی نہیں کھیلی لیکن مجھے اسے کھیلنے کا بہت شوق ہے۔ یاد رہے کہ پاکستان سپر لیگ کا آغاز جمعرات سے ہوگا اور فائنل 22 مارچ کو قذافی سٹیڈیم ،لاہور میں کھیلا جائے گا-