اٹلی کے وزیر اعظم جوسپے کونٹے کامقامی ہسپتال کی انتظامیہ پر قصبہ میں کورونا وائرس پھیلا نے کا الزام

منگل 25 فروری 2020 15:27

اٹلی کے وزیر اعظم جوسپے کونٹے کامقامی ہسپتال کی انتظامیہ پر قصبہ میں ..
روم (اُردو پوائنٹ اخبارتازہ ترین - اے پی پی۔ 25 فروری2020ء) اٹلی کے وزیر اعظم جوسپے کونٹے نے ملک کے شمالی علاقے کی ایک ہسپتال انتظامیہ کو کورونا وائرس پھیلنے کا ذمہ دار قرار دیا ہے۔انہوں نے پیر کی شام اطالوی ٹی وی سے گفتگو کرتے ہوئے ہسپتال کا نام لئے بغیر بتایا کہ طبی سہولیات کا مکمل اور مناسب انتظام نہ ہونے کے باعث وائرس کے پھیلنے کی راہ ہموار ہوئی۔

(جاری ہے)

واضح رہے کہ انفیکشن کا سب سے بڑا مرکز کوڈوگنو کا قصبہ رہاہے جو شمالی اٹلی کے صدرمقام میلان سے تقریباً 60 کلومیٹرجنوب میں واقع ہے۔کوڈوگنو سمیت شمالی اٹلی کے متعدد قصبوں میں اس وائرس کا پھیلاؤ روکنے کے لئے خصوصی اقدامات کئے گئے ہیں۔ گزشتہ جمعہ کے بعد سے اٹلی میں کورونا کے کیسز کی تعداد 6 سے 229 تک جا پہنچی جو یورپ میں اس بیماری کے مصدقہ مریضوں کی سب سے زیادہ تعدادہے تاہم پیر کو اس رجحان میں کمی دیکھی گئی اورصرف 10 مزید افراد میں اس انفیکشن کی تصدیق ہوئی ۔ اٹلی میں اب تک کورونا وائرس کا شکار ہونے سے 7 افراد کی موت واقع ہو چکی ہے۔

متعلقہ عنوان :