ڈپٹی کمشنر جہلم اور ڈسٹر کٹ پولیس آفیسر جہلم گورنمنٹ ڈگری کالج فار بوائز سوہاوہ میں کھلی کچہری لگائینگے

عمر جمشید جمعرات 27 فروری 2020 17:40

جہلم (اُردو پوائنٹ اخبارتازہ ترین۔ 27 فروری2020ء،نمائندہ خصوصی،طارق مجید کھوکھر) ڈپٹی کمشنر جہلم محمد سیف انور جپہ اور ڈسٹرکٹ پولیس آفیسر جہلم رانا عمر فاروق 28 فروری بروز جمعہ دوپہر 3:00 بجے گورنمنٹ ڈگری کالج فار بوائز جی ٹی روڈ سوہاوہ میں کھلی کچہری لگائیں گے ۔

(جاری ہے)

اس موقع پر ضلعی محکموں کے افسران کو شرکت کرنے کی ہدایت دی گئی ہے ۔ عوامی مسائل کے حل کے لئے ڈپٹی کمشنر، ڈی پی او، اسسٹنٹ کمشنر، ڈی ایس پی، ایس ایچ او تھانہ سوہاوہ اور دیگر تمام محکموں کے افسران شرکت کریں گے ۔ عوام سے اپیل ہے کہ وقت کی پابندی کرتے ہوئے جی ٹی روڈ سوہاوہ گورنمنٹ ڈگری کالج فار بوائز میں کھلی کچہری کے دوران تشریف لائیں اور اپنی درخواستیں جمع کروائیں۔