ہم انشاء اللہ پاکستانیوں کو کورونا وائرس سے محفوظ رکھنے کے لئے کام کرتے رہیں گے، ڈاکٹر ظفر مرزا

دنیا بھر میں کرونا وائرس کے وسیع پیمانے پر ہونے کی وجہ سے ڈبلیو ایچ او ممالک کے لئے اس کی اہمیت کو اجاگر کرنا چاہتا ہے، معاون خصوصی

جمعرات 12 مارچ 2020 14:34

ہم انشاء اللہ پاکستانیوں کو کورونا وائرس سے محفوظ رکھنے کے لئے کام ..

اسلام آباد (اُردو پوائنٹ اخبارتازہ ترین - این این آئی۔ 12 مارچ2020ء) وزیر اعظم کے معاو ن خصوصی برائے صحت ڈاکٹر ظفرمرزانے کہاہے کہ ہم انشاء اللہ پاکستانیوں کو کورونا وائرس سے محفوظ رکھنے کے لئے کام کرتے رہیں گے۔

(جاری ہے)

ٹوئٹر ر اپنے بیان میں انہوںنے کہاکہ ڈبلیو ایچ او نے کورونا وائرس کو وبائی مرض قرار دیا ہے اس کا کیا مطلب ہے، دنیا بھر میں کرونا وائرس کے وسیع پیمانے پر ہونے کی وجہ سے ڈبلیو ایچ او ممالک کے لئے اس کی اہمیت کو اجاگر کرنا چاہتا ہے تاکہ ممالک اپنی تیاری اور ذمہ داری کو مستحکم بنائیں۔

ظفر مرزا نے کہاکہ پاکستان میں ، وفاقی اور صوبائی حکومتیں گذشتہ 7 ہفتوں سے تیاری اور رسپانس پر کام کر رہی ہیں ،ہم انشاء اللہ پاکستانیوں کو کورونا وائرس سے محفوظ رکھنے کے لئے کام کرتے رہیں گے۔انہوںنے کہاکہ دنیا اب بھی سراغ لگا کر، علاج اور اپنے لوگوں کو متحرک کر اس وبا کا رخ بدل سکتی ہے، ممالک کو عوام کی حفاظت کیلئے ان سے بات چیت کرکے ہنگامی صورتحال کو بڑھانے کی ضرورت ہے۔