کورونا وائرس کے پیش نظر پاکستان سمیت دنیا بھر میں ہنگامی صورتحال ہے‘ موجودہ حالات میں امت کیلئے آسانی پیدا کریں‘ دیہاڑی دار افراد کیلئے آسانی پیدا کرنے کیلئے آگے

آئیں ،تحریک دعوت اسلامی کے امیر مولانا محمدالیاس عطار قادری

منگل 24 مارچ 2020 17:37

کوئٹہ۔ (اُردو پوائنٹ اخبارتازہ ترین - اے پی پی۔ 24 مارچ2020ء) کورونا وائرس کے پیش نظر پاکستان سمیت دنیا بھر میں ہنگامی صورتحال ہے‘ ہر ملک اپنے طور پر اس وائرس سے بچاو،ْ کے لیے اقدامات کر رہا ہے، موجودہ صورتحال کے پیش نظر تبلیغ قرآن و سنت کی عالمگیر غیرسیاسی تحریک دعوت اسلامی کے امیر مولانا محمد الیاس عطار قادری نے مخیر حضرات کو مستحق اور غریب افراد کی مدد کرنے کی تلقین کی ہے۔

(جاری ہے)

انہوں نے کہا کہ موجودہ حالات میں امت کیلئے آسانی پیدا کریں‘ دیہاڑی دار افراد کیلئے آسانی پیدا کرنے کیلئے آگے آئیں اور ان کی بھرپور مدد کریں، نہ صرف موجودہ حالات میں بلکہ آئندہ کیلئے بھی ان کیلئے اپنی جیب سے نکال کر ان کے گھروں میں راشن ڈلوا دیں۔ موجودہ صورتحال کے پیش نظر ہمیں اجتماعی توبہ کرنے کی ضرورت ہے۔امیر اہلسنت نے کہا کہ آج دنیا بھر میں کورونا وائرس کی وجہ سے جو حالات ہیں وہ سب پر آشکار ہیں،اس سے متوسط طبقہ خاص طور پر آزمائش میں ہے، ہم ہمیشہ غریبوں کے ساتھ رہیں ہیں، موجودہ صورتحال میں دعوت اسلامی نے مستحق اور غریب لوگوں میں راشن دینے اور انکی امداد کرنے کا اعلان کر دیا ہے۔