فرانس میں بزنس کانفیڈنس انڈیکس 10 پوائنٹ گر گیا

جمعرات 26 مارچ 2020 14:35

پیرس ۔ (اُردو پوائنٹ اخبارتازہ ترین - اے پی پی۔ 26 مارچ2020ء) فرانس نے کہا ہے کہ کورونا وائرس کے پھیلائو کے باعث ملک میں جاری اقتصادی سرگرمیاں اور گھریلو اخراجات کی شرح کم ہوکر عام حالات کے 65 فیصد پر آچکی ہے،مارچ کے دوران بزنس کانفیڈنس انڈیکس فروری کی سطح 105 سے کم ہوکر 95 پوائنٹ پر آگیا جو 1980 ء کے بعد کم ترین سطح ہے۔

(جاری ہے)

یہ بات قومی ادارہ برائے اعداد و شمار و اقتصادی امور (آئی این ایس ای ای)نے جمعرات کو جاری ہونے والی اپنی ماہانہ اقتصادی جائزہ رپورٹ میں کیا۔

آئی این ایس ای ای کے مطابق کورونا وائرس کے باعث ملک میں اقتصادی سرگرمیاں شدید متاثر ہوئیں ہیں جبکہ وباء کے باعث لوگوں کے گھروں میں محدود رہنے کے باعث ان کے اشیاء کی خریداری کے لیے ہونے والے اخراجات میں بھی کمی آئی ہے۔رپورٹ میں بتایا گیا ہے کہ مارچ کے دوران ملک میں اقتصادی و کاروباری سرگرمیوں میں تیزی سے کمی آئی اور بزنس کانفیڈنس انڈیکس فروری کی 105 سے کم ہوکر مارچ میں 95 پوائنٹ پر آگیا جو 1980 ء کے بعد کم ترین سطح ہے۔

Facebook Twitter Google + Share on Whatsapp

فرانس میں بزنس کانفیڈنس انڈیکس 10 پوائنٹ گر گیا

متعلقہ عنوان :

مزید تجارتی خبریں