کورونا وباء کسی ملک، مذہب یا مسلک سے تعلق نہیں رکھتی، معاون خصوصی سیّد ذوالفقار عباس بخاری کا ٹویٹ

بدھ 1 اپریل 2020 18:08

اسلام آباد ۔ یکم اپریل (اُردو پوائنٹ اخبارتازہ ترین - اے پی پی۔ 01 اپریل2020ء) وزیراعظم کے معاون خصوصی برائے سمندر پار پاکستانیز سیّد ذوالفقار عباس بخاری نے کہا ہے کہ کورونا وباء کسی ملک، مذہب یا مسلک سے تعلق نہیں رکھتی۔ انہوں نے وفاقی وزیر سائنس و ٹیکنالوجی فواد چوہدری کے ٹویٹر پر دیئے گئے بیان کا خیرمقدم کیا ہے۔

(جاری ہے)

معاون خصوصی نے اپنے ٹویٹ میں کہا کہ میں فواد چوہدری سے اتفاق کرتا ہوں کے کورونا کسی ملک مذہب یا مسلک سے تعلق نہیں رکھتا۔

کورونا کو مذہبی رنگ دینے والے عناصر کو شرم آنی چاہئے۔ فواد چوہدری نے اپنے ٹویٹ میں ان سے منسوب ذوالفقار بخاری اور علی زیدی کے خلاف بیان کو جھوٹا قرار دیتے ہوئے کہا تھا کہ شدت پسند تنظیم کے دو لڑکوں نے جعلی بیان بنایا اور دونوں جلد ہی جیل میں ہوں گے، ایسے الزامات سے گریز کریں۔ ذوالفقار بخاری اور علی زیدی دونوں پروگریسیو لوگ ہیں۔