معاون خصوصی برائے اطلاعات ونشریات ڈاکٹر فردوس عاشق اعوان کی ہدایات پر حلقہ این اے 72 میں مستحق لوگوں میں راشن تقسیم

بدھ 1 اپریل 2020 18:53

سیالکوٹ ۔ یکم اپریل (اُردو پوائنٹ اخبارتازہ ترین - اے پی پی۔ 01 اپریل2020ء) وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان کی ہدایات پر ان کے حلقہ این اے 72 میں تحصیل صدر پاکستان تحریک انصاف چوہدری منور حسین نے کورونا وائرس کی روک تھام کیلئے کیے گئے لاک ڈائون کی وجہ سے پیدا شدہ صورتحال میں مستحق لوگوں میں مفت راشن تقسیم کیا ۔

(جاری ہے)

اس موقع پر موضعات ونجل ،درگاںوالی ،لالوکی،راجہ ہرپال،کھوکھر،تونگڑ اور سوندھے کے رہائشیوں کو کورونا وائرس سے بچنے کے لیے احتیاطی تدابیر اختیار کرنے ،ماسک کا استعمال ،ہینڈسنیٹائزر کا استعمال اور سوشل ڈیسٹنس اختیار کرنے کے بارے میں ہدایات اور آگاہی بھی دی گئی۔