معروف پاکستانی اداکار ہمایوں سعید 14 دن قرنطینہ میں رہنے کے بعد گھر واپس آگئے

مشکل وقت میں انشا اللّہ مستحق لو گوں کی مدد کے لیے ہر ممکن طاقت اور طریقے سے کام کروں گا، بیان

ہفتہ 4 اپریل 2020 16:14

اسلام آباد (اُردو پوائنٹ اخبارتازہ ترین - این این آئی۔ 04 اپریل2020ء) معروف پاکستانی اداکار ہمایوں سعید 14 دن قرنطینہ میں رہنے کے بعد گھر واپس آگئے ہیں۔ہمایوں سعید نے گھر واپسی کا اعلان فوٹو اور ویڈیو شیئرنگ ایپلیکیشن انسٹاگرام پر دی گئی ایک پوسٹ میں کیا۔اداکار نے لکھا کہ 14دن قرنطینہ میں رہنے کے بعد آخرکار میں گھر واپس آگیا ہوں۔

(جاری ہے)

ہمایوں سعید نے لکھا کہ اداکار نے لکھا کہ قرنطینہ میں میں نے زندگی پر غور و فکر کرنے میں بہت زیادہ وقت صرف کیا ہے اور مجھے یہ احساس ہوا کہ اللّہ تعالیٰ نے مجھے اتنی بے شمار نعمتیں عطا کی ہیں کہ میں اٴْن نعمتوں کا شکر بھی ادا نہیں کرسکتا۔

اداکار نے لکھا کہ اِس مشکل وقت میں انشا اللّہ مستحق لو گوں کی مدد کے لیے ہر ممکن طاقت اور طریقے سے کام کروں گا۔خیال رہے کہ ہمایوں سعید گزشتہ ماہ امریکہ سے پاکستان آئے تھے جس کے بعد اٴْنہوں نے احتیاطاً خود کو قرنطینہ کردیا تھا۔