کیا چین کی جانب سے کورونا کے متاثرہ ممالک کی مدد ورلڈ آڈرتبدیل کرنے کا سبب بن سکتی ہے؟
امدادی سامان سے بھرے چینی جہاز اسپین، اٹلی، ملایشیا، فلپائن اور امریکہ تک پہنچ رہے ہیں .ماہرین
میاں محمد ندیم اتوار 5 اپریل 2020 13:18
(جاری ہے)
چین کی امداد سے بھرے ہوئے جہاز اسپین، اٹلی، ملایشیا، فلپائن اور یہاں تک کہ امریکہ میں بھی پہنچ رہے ہیں تجزیہ کار کہتے ہیں کہ چین کی یہ کوشش دنیا کے بعض حصوں میں اس کی مقبولیت میں اضافہ کر رہی ہے ان کا کہنا ہے کہ چین کی یہ امداد اس کی بیرون ملک پراپیگنڈہ مہم کا ایک حصہ ہے جس کا مقصد اس تنقید کو غیر موثر بنانا یا روکنا ہے کہ اس وائرس کا اتنے بڑے پیمانے پر دنیا بھر میں پھیلنا، چین کی آمرانہ حکومت کی جانب سے ہفتوں تک اس مرض کے پھیلنے کی خبروں کو چھپائے رکھنے کا نتیجہ ہے.
انہوں نے الزا م عائد کیا ہے کہ چین نے ان ڈاکٹروں اور حکومت مخالفین کو سزائیں بھی دیں جنہوں نے اس مرض کے پھیلاﺅ کے بارے میں آگاہ کرنے کی کوشش کی. سینٹر فار اسٹریٹیجک اینڈ انٹرنیشنل اسٹڈیز کے ڈین رینڈل کا کہنا ہے کہ چین آگ لگانے والا ملک ہے جو چولا بدل کر اب اس آگ کو بجھانے کی کوشش کر رہا ہے جو اس نے شروع کی تھی. تاہم شکاگو یونیورسٹی کے ڈاکٹر ظفر بخاری کا کہنا ہے کہ اس سلسلے میں چین کو ایک یہ برتری حاصل ہے کہ اس کے لگ بھگ دو کھرب ڈالر ملک سے باہر پڑے ہیں، جو اس نے بیرونی تجارت سے کمائے ہیں اور اب وہ اس رقم کو امداد کی مد میں خرچ کر سکتا ہے لیکن انہوں نے کہا کہ اس سب کے باوجود اسے وہ نتائج حاصل نہیں ہو سکیں گے جن کی وہ توقع کر رہا ہے. انہوں نے کہا کہ امریکہ بھی اپنی مشکلات کے باوجود دوسروں کو امداد فراہم کر رہا ہے اور توقع کی جا رہی ہے کہ اس وبا سے نکلنے کے بعد امریکی معیشت تین چوتھائی تک بحال ہو جائے گی یہ درست ہے کہ امریکہ دنیا بھر میں اس مہلک مرض سے لڑنے کے لئے کروڑوں ڈالر کی امداد فراہم کر رہا ہے لیکن وہائٹ ہاﺅس ایسے اشارات بھی دے رہا ہے کہ ملکی ضروریات کی ترجیحات کے پیش نظر کچھ حفاظتی آلات اور سامان بیرونی ملکوں کو نہیں بھیجے جانے چاہئیں. بعض ماہرین کا یہ بھی کہنا ہے کہ چین کی کرونا وائرس کے سلسلے میں دوسرے ملکوں کی مدد اور امریکہ کی اندرون ملک حالات پر ارتکاز توجہ بعض اعتبار سے بدلتے ہوئے ورلڈ آرڈر کی عکاسی کرتا ہے.مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.