بھارت نے ملیریا کی دوائی ہائیڈرو کلوروکین کی برآمد پر پابندی عاید کردی

دوائی کی برآمد اور اور اس کی تراکیب کے بارے میں تفصیلات جاری کرنے پرپابندی ہے،بھارتی حکام

پیر 6 اپریل 2020 11:56

بھارت نے ملیریا کی دوائی ہائیڈرو کلوروکین کی برآمد پر پابندی عاید ..

نئی دہلی (اُردو پوائنٹ اخبارتازہ ترین - این این آئی۔ 06 اپریل2020ء) بھارت نے ملیریا کے علاج کے لیے استعمال ہونے والی پرانی دوائی 'ہائیڈرو کلوروکین' کی برآمد پرپابندی عاید کردی ہے۔میڈیارپورٹس کے مطابق حال ہی میں امریکی صدر ڈونلڈ ٹرمپ نے اس دوائی کے بارے میں کہا تھا کہ ہائیڈرو کلوروکین کرونا وائرس کے علاج کے لیے گیم رول تبدیل کردے گی۔

(جاری ہے)

ہائیڈروکلوروکین اینٹی ملیریا کی قدیم ترین دوائیوں میں سے ایک ہے لیکن اب یہ متعدد ممالک میں ملیریا سے محفوظ ہونے کے بعد استعمال نہیں کی جاتی۔

میڈیارپورٹس کے مطابق غیر ملکی تجارت کے ڈائریکٹر جنرل نے کہا کہ دوائی کی برآمد اور اور اس کی تراکیب کے بارے میں تفصیلات جاری کرنے پرپابندی عاید کی گئی ہے۔ٹرمپ نے ہفتے کے روز ایک پریس کانفرنس میں کہا تھا کہ انہوں نے بھارتی وزیر اعظم نریندر مودی سے بات کی ہے اور ان سے کہا تھا کہ اس سے قبل امریکا کی درخواست کردہ دوائیوں کی کھیپ جاری کرنے کی اجازت دے۔ ٹرمپ نے تصدیق کی کہ وزیر اعظم مودی انہیں تعاون کی یقین دہانی کرائی ہے۔