وزیر اعلی پنجاب نے پولیس کو گاڑیوں کی فراہمی کے لئے ماڈل وین کی منظوری دے دی

گاڑیوں کے انتخاب میں ڈیوٹی کرنیوالے پولیس اہلکاروں کی حفاظت اور سہولت کو مد نظر رکھا جائے‘وزیراعلیٰ عثمان بزدار

منگل 7 اپریل 2020 18:22

وزیر اعلی پنجاب نے پولیس کو گاڑیوں کی فراہمی کے لئے ماڈل وین کی منظوری ..

لاہور(اُردو پوائنٹ اخبارتازہ ترین - این این آئی۔ 07 اپریل2020ء) وزیر اعلی پنجاب سردار عثمان بزدار نے پولیس کو گاڑیوں کی فراہمی کیلئے ماڈل وین کی منظوری دے دی ہے ۔وزیراعلیٰ عثمان بزدار نے وزیر اعلی آفس میںانسپکٹر جنرل پولیس پنجاب شعیب دستگیر کے ہمراہ ماڈل وین کا معائنہ کیا ۔انسپکٹر جنرل پولیس پنجاب نے وزیر اعلی عثمان بزدار کو گاڑیوں کے بارے میں بریفنگ دی۔

وزیر اعلی عثمان بزدار نے ہائی ویز ، ایلیٹ اور پنجاب پولیس کے لئے ماڈل گاڑیوں کا معائنہ کیا۔

(جاری ہے)

وزیراعلیٰ عثمان بزدار نے ہدایت کی کہ گاڑیوں کے انتخاب میں ڈیوٹی کرنے والے پولیس اہلکاروں کی حفاظت اور سہولت کو مد نظر رکھا جائی-انہوںنے کہا کہ ہماری حکومت نے پولیس کوپہلے بھی ہر ممکن وسائل فراہم کیے ہیں اورآئندہ بھی عوام کی جان و مال کی حفاظت کے لئے پولیس کو تمام تر وسائل فراہم کریں گے - ماضی کی حکومتوںنے عوام کی دادرسی کیلئے پولیس نظام میں کوئی اصلاحات نہیں کیں۔ انہوںنے کہا کہ پولیس میں جزا اورسزاکے نظام سے اچھے نتائج سامنے آئے ہیں۔پولیس کی ضروریات پورا کر کے نتائج بھی لیںگے۔