کراچی، کپڑے کے گودام میں آگ لگ گئی تاہم کوئی جانی نقصان نہیں ہوا

بدھ 8 اپریل 2020 15:40

کراچی(اُردو پوائنٹ اخبارتازہ ترین - این این آئی۔ 08 اپریل2020ء) کراچی کے علاقے بلدیہ میں کپڑے کے گودام میں آگ لگ گئی، آگ کے باعث کوئی جانی نقصان نہیں ہوا۔

(جاری ہے)

فائر بریگیڈ حکام کے مطابق بلدیہ عابد آباد میں کپڑے کے گودام میں اچانک آگ بھڑک اٹھی، آگ کے باعث گودام میں رکھا کپڑا جل کرخاکسترہوگیا۔اطلاع ملتے ہی فائر بریگیڈ کی 2گاڑیوں نے جائے وقوعہ پر پہنچ کر آگ کو بجھا دیا، خوش قسمتی سے کوئی جانی نقصان نہیں ہوا۔ذرائع کے مطابق آگ لگنے کی وجہ تاحال معلوم نہیں ہوسکی ہے۔