سندھ اور بلوچستان میں ایک ایک پولیو کیس سامنے آگئے، رواں سال کل تعداد 41 ہوگئی

پیر 20 اپریل 2020 12:50

کراچی (اُردو پوائنٹ اخبارتازہ ترین - این این آئی۔ 20 اپریل2020ء) ملک میں پولیو کے مزید دو کیسز سامنے آگئے جس کے بعد رواں سال کی کل تعداد 41 ہوگئی۔نیشنل انسٹیٹیوٹ آف ہیلتھ (این آئی ایچ) کے مطابق سندھ اور بلوچستان میں ایک ایک نیا کیس سامنے آیا۔

(جاری ہے)

سندھ کے ضلع خیرپور کی تحصیل کنگری میں 14 ماہ کے بچے میں پولیو وائرس کی تصدیق ہوئی۔حکام کے مطابق بلوچستان کے ضلع پشین کی یونین کونسل بازار کونا میں 8 ماہ کے بچے میں پولیو وائرس کی تصدیق ہوئی۔انہوں نے بتایا کہ بچے کے ہاتھ پیر مفلوج ہوگئے ہیں، وہ ایک غریب خاندان سے تعلق رکھتا ہے اور اس کے والد کسان ہیں۔