پیمرا نے نجی ٹی وی چینل نیو نیوز کا لائسنس معطل کر دیا

ٹی وی چینل کی جانب سے غیر قانونی طور پر خبروں اور حالات حاضرہ کا مواد نشر کیا جا رہا تھا، متعدد مرتبہ وارننگ دی گئی، جسے نظر انداز کیا گیا: پیمرا حکام

محمد علی بدھ 6 مئی 2020 22:22

اسلام آباد (اُردو پوائنٹ اخبارتازہ ترین۔ 06 مئی2020ء) پیمرا نے نجی ٹی وی چینل نیو نیوز کا لائسنس معطل کر دیا، پیمرا حکام کا کہنا ہے کہ ٹی وی چینل کی جانب سے غیر قانونی طور پر خبروں اور حالات حاضرہ کا مواد نشر کیا جا رہا تھا، متعدد مرتبہ وارننگ دی گئی، جسے نظر انداز کیا گیا۔ تفصیلات کے مطابق پیمرا نے مشہور نجی ٹی چینل کیخلاف ایکشن لیا ہے۔ بتایا گیا ہے کہ نیو نیوز کا لائسنس معطل کر دیا گیا ہے:

pic.twitter.com/xm1lcVGnZD
— Report PEMRA (@reportpemra) May 6, 2020

پیمرا کی جانب سے موقف اختیار کیا گیا ہے کہ نیو نیوز کی جانب سے غیر قانونی طور پر خبروں اور حالات حاضرہ کی نشریات چلائی جا رہی تھی، اسی لیے اس کیخلاف ایکشن لیا گیا ہے۔

اس سے قبل پیمرا نے نجی ٹی وی چینل نیو نیوز کو اپنی نشریات فوری بند کرنے کا حکم دیا تھا۔

(جاری ہے)

PEMRA directs Neo TV to immediately stop illegal transmission of News and Current Affairs content & revert to its original programming of Entertainment pic.twitter.com/ouIkryPQ1u
— Report PEMRA (@reportpemra) April 30, 2020

پیمرا کی جانب سے کہا گیا کہ نیو ٹی وی کواحکامات جاری کرتے ہوئے ہدایات کی گئی کہ وہ منظورشدہ لائسنس کے مطابق انٹرٹینمنٹ مواد نشر کرے۔ نیو ٹی وی نے پیمرا کے احکامات کو اسلام آباد ہائی کورٹ میں چیلنج کیا تھا، تاہم عدالت نے اپیل کو مسترد کرتے ہوئے پیمرا کے احکامات کو درست قرار دیا۔

چینل کے پاس انٹرٹینمنٹ مواد کی نشریات کا لائسنس تھا، تاہم اس کی انتظامیہ کی جانب سے غیر قانونی طور پر حالات حاضرہ اور خبروں کا مواد نشر کیا جا رہا تھا۔ چینل انتظامیہ کو متعدد مرتبہ وارننگ دی گئی، جسے نظر انداز کیا گیا۔ چینل پر احکامات کی خلاف ورزی کرنے پر 10 لاکھ روپے کا جرمانہ بھی عائد کیا گیا۔