پاکستان ٹوبیکوکمپنی کے بعدازٹیکس منافع میں پہلی سہ ماہی کے دوران 1 فیصد اضافہ

پیر 11 مئی 2020 00:30

اسلام آباد ۔ (اُردو پوائنٹ اخبارتازہ ترین - اے پی پی۔ 11 مئی2020ء) پاکستان ٹوبیکوکمپنی کے بعدازٹیکس منافع میں کیلینڈرسال کی پہلی سہ ماہی میں گزشتہ سال کے اسی عرصہ کے مقابلے میں 1 فیصد اضافہ ریکارڈکیاگیاہے۔ کمپنی کی طرف سے پاکستان سٹاک ایکسچینج میں جمع کردہ مالیاتی اعدادوشمارکے مطابق جنوری سے لیکر مارچ تک کے عرصہ میں کمپنی کو2.820 ارب روپے کا بعدازٹیکس منافع حاصل ہوا، یہ شرح گزشتہ سال کے اسی عرصہ کے مقابلہ میں ایک فیصد زیادہ ہے، گزشتہ سال کی پہلی سہ ماہی میں پاکستان ٹوبیکوکو2.792 ارب روپے کابعدازٹیکس منافع حاصل ہواتھا۔

سال کی پہلی سہ ماہی میں کمپنی کے آپریٹنگ منافع میں اضافہ کی شرح 3.88 فیصد رہی، پہلی سہ ماہی میں کمپنی کے آپریٹنگ منافع کا حجم 3.822 ارب روپے رہا، گزشتہ سال کی پہلی سہ ماہی میں کمپنی کاآپریٹنگ منافع 3.679 ارب روپے ریکارڈکیاگیاتھا۔

(جاری ہے)

اس عرصہ میں کمپنی کے مجموعی ٹرن اوورمیں 7.27 فیصداضافہ دیکھنے میں آیا۔ سال کی پہلی سہ ماہی میں کمپنی کامجموعی ٹرن اوور38.606 ارب روپے رہا، گزشتہ سال کی اسی مدت میں کمپنی کامجموعی ٹرن اوور35.987 ارب روپے ریکارڈکیاگیاتھا۔پہلی سہ ماہی میں کمپنی کی فی حصص آمدنی 11.04 روپے رہی، گزشتہ سال کی پہلی سہ ماہی میں پاکستان ٹوبیکو کی فی حصص آمدنی 10.93 روپے ریکارڈکی گئی تھی۔