بھارتی شخص نے اپنی ماں کے ساتھ مل کر 4 دن کی بیٹی کو قتل کر ڈالا

قاتل شخص کے ہاں مسلسل 4 بیٹیوں کی پیدائش ہوئی جس سے وہ اور اس کی ماں سخت ناخوش تھے

محمد علی بدھ 20 مئی 2020 02:01

بھارتی شخص نے اپنی ماں کے ساتھ مل کر 4 دن کی بیٹی کو قتل کر ڈالا

نئی دہلی (اردوپوائنٹ اخبارتازہ ترین۔19 مئی 2020ء) بھارتی شخص نے اپنی ماں کیساتھ مل کر 4 دن کی بیٹی کو قتل کر ڈالا، قاتل شخص کے ہاں مسلسل 4 بیٹیوں کی پیدائش ہوئی جس سے وہ اور اس کی ماں سخت ناخوش تھے۔ تفصیلات کے مطابق بھارت کے ایک دور دراز کے دیہی علاقے میں دل دہلا دینے والا واقعہ پیش آیا۔ بتایا گیا ہے کہ ایک شخص نے اپنی ماں کیساتھ مل کر محض 4 روز قبل پیدا ہونے والی بچی کو قتل کر ڈالا۔

قاتل شخص اور اس کی ماں مسلسل 4 بیٹیوں کی پیدائش سے سخت ناخوش تھے۔

(جاری ہے)

چوتھی بیٹی کی پیدائش کے بعد ایک دن جب بچیوں کی ماں گھر نہیں تھی، ایسے میں دونوں ماں بیٹے نے موقعے کا فائدہ اٹھا کر 4 دن کی بچی کو زہریلی جڑی بوٹیاں دے کر قتل کر ڈالا۔ بعد ازاں بچی کو دفن کر دیا گیا۔ بچی کو قتل کیے جانے کے بعد دونوں قاتل ماں بیٹے نے پڑوسیوں کو بتایا کہ بچی شدید بیماری کے باعث انتقال کر گئی۔ پڑوسیوں کو تمام کہانی پر شک ہوا تو انہوں نے پولیس کو شکایت درج کر وا دی جس کے بعد دونوں قاتلوں کو پولیس نے حراست میں لے لیا۔ پولیس حراست میں دونوں ماں بیٹے نے 4 دن کی بیٹی کو قتل کرنے کا اعتراف کر لیا۔