․خانیوال، برائلر مرغی کی باقیات،تیزاب سے کوکنگ آئل تیار کرنے والی فیکٹری سے 3 ہزار لٹر مضر صحت آئل برآمد، فیکٹری مالک گرفتار

جمعہ 22 مئی 2020 16:19

خانیوال (اُردو پوائنٹ اخبارتازہ ترین - اے پی پی۔ 22 مئی2020ء) ڈپٹی کمشنر آغا ظہیر عباس شیرازی کی زیر سرپرستی اسسٹنٹ کمشنر میاں چنوں ذیشان ندیم نے نواحی چک 109پندرہ ایل میں بڑی کارروائی کرکے برائلر مرغی کی باقیات اور تیزاب سے کوکنگ آئل تیار کرنے والی فیکٹری سے 3 ہزار لٹر مضر صحت کوگنگ آئل قبضہ میں لے کر اپنی نگرانی میں تلف کرادیا۔کارروائی حساس اداروں کی نشاندہی پر رات گئے کی گئی۔

(جاری ہے)

اسسٹنٹ کمشنر نے کارروائی کے بارے بتایا کہ باقیات سے بڑی مقدار میں مضر صحت کوکنگ آئل تیار کیا جارہا تھا۔ انہوں نے مزید بتایا کہ موقع پر شریف عبداللہ نامی فیکٹری کا مالک بھیگرفتار کرلیا گیا جو مضر صحت آئل تیار کرنے کے لیے باقیات جھنگ، چنیوٹ،گوجرہ اور میاں چنوں سے خریدتا اور تیار شدہ مضر صحت کوکنگ آئل ہائے ویز پر ہوٹلوں اور پنجاب کے مختلف شہروں میں سپلائی کرتا تھا ۔

Facebook Twitter Google + Share on Whatsapp

․خانیوال، برائلر مرغی کی باقیات،تیزاب سے کوکنگ آئل تیار کرنے والی فیکٹری سے 3 ہزار لٹر مضر صحت آئل برآمد، فیکٹری مالک گرفتار

متعلقہ عنوان :

مزید زراعت کی خبریں