میرا دل آج کے سانحے پر بہت غمگین ہے،کراچی فضائی حادثے پر نواز شریف کا تعزیتی پیغام

اپنوں کو کھو دینے والوں کا دکھ بہت بڑا ہے، اللہ تعالی ان کو اس مشکل گھڑی میں صبر عطا کرے، سابق وزیر اعظم

ہفتہ 23 مئی 2020 00:09

اسلام آباد (اُردو پوائنٹ اخبارتازہ ترین - این این آئی۔ 22 مئی2020ء) سابق وزیر اعظم نواز شریف کی صاحبزادی اور پاکستان مسلم لیگ نواز کی نائب صدر مریم نواز نے اپنے والد کی جانب سے کراچی فضائی حادثے پر تعزیتی پیغام جاری کیا ہے جس میں نوازشریف نے کہاکہ میرا دل آج کے سانحے پر بہت غمگین ہے۔ اپنے پیغام میں نواز شریف نے کہاکہ میرا دل آج کے سانحے پر بہت غمگین ہے۔

(جاری ہے)

انہوںنے کہاکہ جمعتہ الوداع کے دن اس حادثے میں شہید ہونے والوں کے درجات کی بلندی کے لئے دعا گو ہوں۔ انہوںنے کہاکہ اپنوں کو کھو دینے والوں کا دکھ بہت بڑا ہے، اللہ تعالی ان کو اس مشکل گھڑی میں صبر عطا کری, میں ان کے دکھ میں برابر کا شریک ہوں۔ سابق وزیراعظم نے کہاکہ جن کو اللہ تعالی نے اپنی رحمت سے بچا لیا ہے ان کو اللہ تعالی جلد صحت یاب فرمائے۔اس موقع پر پی آئی اے کے عملے کے افراد جو اس جہاز میں موجود تھے ان کو بھی سلام پیش کرتا ہوں جو آخری دم تک اپنا فرض ادا کرتے رہے۔اللہ تعالی آپ سب کا حامی و ناصر ہو۔ آمین