پی آئی اے طیارہ حادثے پر ترک اداکارہ اسرا بلجیک بھی غمزہ، خصوصی پیغام جاری کر دیا

انسٹاگرام پر جاں بحق ہونے والی ماڈل زارا عابد کی آخری پوسٹ پر کیے گئے کمنٹ میں ترک اداکارہ نے کہا کہ "تمام پاکستانیوں اور زارا کے اہل خانہ سے اتنے بڑے نقصان پر تہہ دل سے تعزیت کرتی ہوں"

محمد علی ہفتہ 23 مئی 2020 00:53

لاہور (اردوپوائنٹ اخبارتازہ ترین۔22 مئی 2020ء) پی آئی اے طیارہ حادثے پر ترک اداکارہ اسرا بلجیک بھی غمزہ، خصوصی پیغام جاری کر دیا، انسٹاگرام پر جاں بحق ہونے والی ماڈل زارا عابد کی آخری پوسٹ پر کیے گئے کمنٹ میں ترک اداکارہ نے کہا کہ "تمام پاکستانیوں اور زارا کے اہل خانہ سے اتنے بڑے نقصان پر تہہ دل سے تعزیت کرتی ہوں"۔ تفصیلات کے مطابق مشہور ترک ڈرامے ارطغرل سے شہرت پانے والی ترک اداکارہ اسرا بلجیک نے کراچی میں پیش آئے پی آئی اے کے طیارہ حادثے پر افسوس کا اظہار کیا ہے۔

انہوں نے سماجی رابطوں کی ویب سائٹ انسٹا گرام پر طیارہ حادثے میں جاں بحق ہو جانے والی پاکستانی ماڈل زارا اکبر کی آخری پوسٹ پر کمنٹ کیا۔ اسرا بلجیک نے اپنے کمنٹ میں کہا کہ اس تمام معاملے کو فالو بیک کرنے میں اتنی تاخیر ہونے پر افسوس ہے، تمام پاکستانیوں اور زارا کے اہل خانہ سے اتنے بڑے نقصان پر تہہ دل سے تعزیت کرتی ہوں۔

(جاری ہے)

واضح رہے کہ کراچی میں جمعہ کے روز پی آئی اے کا جو طیارہ حادثے کا شکار ہوا، اس طیارے میں پاکستان کی مشہور ماڈل زارا بھی سوار تھیں:

#Pakistan model Zara Abid was on the ⁦@Official_PIA⁩ flight that crashed in #Karachi this afternoon. This is her last post on @Instagram from three days ago in which she’s seen sitting in a small plane, with the caption: “Fly high, it’s good.” pic.twitter.com/ZhFgbgilCj
— Mehreen Zahra-Malik (@mehreenzahra) May 22, 2020

بتایا گیا ہے کہ زارا عابد نامی ماڈل بھی حادثے کا شکار ہو جانے والے پی آئی اے کے طیارے میں سوار تھیں اور وہ عید کے موقع پر لاہور سے کراچی جا رہی تھیں۔

زارا عابد کے علاوہ ایک اور پاکستانی ماڈل اسرا چوہدری بھی لاہور سے کراچی جانے والی پرواز میں سوار تھیں۔ آخری اطلاعات تک دونوں ماڈلز حادثے میں جاں بحق ہو چکی ہیں۔ جبکہ واضح رہے کہ پی آئی اے طیارہ حادثے میں سوائے 3 مسافروں کے، باقی تمام مسافر اور عملہ جاں بحق ہوگیا۔ جاں بحق افراد کی لاشیں ملبے سے ڈھونڈنے اور نکالنے کا عمل جاری ہے۔