متحدہ عرب امارات میں شوال کا چاند نظر آگیا

خلیج ٹائمز کی رپورٹ کے مطابق امارات میں ہفتے کی صبح 8 بجے ہی عید الفطر کا چاند نظر آگیا تھا، مرکز فلکیات نے چاند کی تصویر بھی جاری کر دی

محمد علی ہفتہ 23 مئی 2020 18:54

ابوظہبی (اُردو پوائنٹ اخبارتازہ ترین۔ 23 مئی2020ء) متحدہ عرب امارات میں شوال کا چاند نظر آگیا، خلیج ٹائمز کی رپورٹ کے مطابق امارات میں ہفتے کی صبح 8 بجے ہی عید الفطر کا چاند نظر آگیا تھا، مرکز فلکیات نے چاند کی تصویر بھی جاری کر دی۔ تفصیلات کے مطابق متحدہ عرب امارات کے مرکز فلکیات کی جانب سے بتایا گیا ہے کہ امارات میں شوال کا چاند نظر آ چکا ہے۔

(جاری ہے)

مملکت میں شوال کا چاند ہفتے کی صبح کو ہی دیکھ لیا گیا تھا:

عاجل: هلال عيد الفطر 2020م (شوال 1441 هـ) كما تم تصويره نهارا قبل قليل اليوم السبت 23 مايو 2020م الساعة الثامنة صباحا من مدينة أبوظبي. استطالة القمر 6.2 درجة. تصوير مركز الفلك الدولي. الراصدون: م. محمد عودة، م. أنس محمد، م. رامي الخطيب، م. إبراهيم أبو غنيم، م. أسامة غنام. pic.twitter.com/XyEjq7fJfl
— مركز الفلك الدولي (@AstronomyCenter) May 23, 2020

اماراتی مرکز فلکیات کی جانب سے جاری ٹوئٹ میں بتایا گیا ہے کہ شوال کا چاند ابوظہبی میں دیکھا گیا۔ چاند ہفتے کی صبح 8 بجے جدید آلات کی مدد سے دیکھا گیا۔ مرکز فلکیات نے ہفتے کی صبح لی گئی چاند کی تصویر بھی جاری کی ہے۔ یہاں یہ واضح رہے کہ متحدہ عرب امارات میں شوال کا چاند دیکھنے کیلئے کل 22 مئی بروز جمعہ کو اجلاس بلایا گیا تھا۔

امارات میں کل شوال کا چاند نظر نہیں آیا تھا، جس کے بعد اعلان کیا گیا تھا کہ عید الفطر 24 مئی بروز اتوار کو 30 روزے مکمل ہونے کے بعد منائی جائے گی۔ ،متحدہ عرب امارات کے علاوہ سعودی عرب ، دیگر خلیجی ممالک، عراق، قطر ،اردن اور دیگر اسلامی ممالک میں عید الفطر کل اتوار کو منائی جائے گی۔