اسلام آباد سمیت بالائی پنجاب ، سندھ،خیبر پختونخوا، شمال مشرقی بلوچستان ، گلگت بلتستان اور کشمیر میں آندھی کے ساتھ بارش کا امکان ہے، محکمہ موسمیات

اتوار 31 مئی 2020 11:35

اسلام آباد ۔ (اُردو پوائنٹ اخبارتازہ ترین - اے پی پی۔ 31 مئی2020ء) محکمہ موسمیات کے مطابق آئندہ 24 گھنٹوں کے دوران اسلام آباد سمیت بالائی پنجاب ، بالائی سندھ،خیبر پختونخوا، شمال مشرقی بلوچستان ، گلگت بلتستان اور کشمیر میں آندھی کے ساتھ بارش اور بعض مقامات پرژالہ باری کا امکان ہے۔گذشتہ 24 گھنٹوںکے دوران اسلام آباد،راولپنڈی سمیت بالائی اور وسطی پنجاب ، بالائی سندھ ، بالائی خیبر پختونخوا، شمالی اور وسطی بلوچستان، کشمیر اور گلگت بلتستان کے کئی علاقوں میں تیز ہوائوں اورگرج چمک کے ساتھ بارش ہوئی۔

سب سے زیادہ بارش کشمیر، کوٹلی 24 ، راولاکوٹ 11 ، مظفرآباد7 ، ، گڑھی دوپٹہ6 ، بلوچستان، بارکھان 23 ،ژوب 5 ، سبی 3 ، پنجاب، اٹک 19 ، ملتان18 ، اسلام آباد،گولڑہ ، بوکرہ 15 ، سید پور 10 ، زیروپوائنٹ 7 ، مری 10 ، راولپنڈی ، 9 ، چکوال 4 ، کوٹ ادو ، جہلم 3 ، لاہور 2 ، ، ڈیرہ غازی خان 2 ، گجرات ، سیالکوٹ ، منڈی بہائو الدین ایک ، خیبرپختونخوا، کاکول 15 ، پاراچنار 7 ، تحت بائی ، مالم جبہ 6 ، بالاکوٹ 5 ، سیدو شریف ایک ، گلگت بلتستان، بگروٹ 8 ، گلگت 6 ، چلاس 4 ، استور 3 ، بونجی 2 ، سندھ، دادو 2 اور سکھر میںایک ملی میٹر بارش ریکارڈکی گئی جبکہ ملک کے دیگر علاقوں میں موسم گرم اور خشک رہا۔

(جاری ہے)

سب سے زیادہ درجہ حرارت، تربت46 ،سبی،شہید بینظیرآباد اور دادو میں 44 سینٹی گریڈ ریکارڈ کیا گیا۔