دوبئی سے آنے والے 149مسافروں کے سیمپلز کرانے کے بعد قرنطینہ سنٹراور نجی ہوٹلز منتقل کردیا گیا

پیر 1 جون 2020 21:52

فیصل آباد یکم جون (اُردو پوائنٹ اخبارتازہ ترین - اے پی پی۔ 01 جون2020ء) :ڈپٹی کمشنر محمدعلی کی ہدایت پر اسسٹنٹ کمشنر صدر عمر مقبول اورسول ڈیفنس آفیسر رانا محمد عباس نے پاک آرمی کے آفیسر لیفٹیننٹ ارسلان کے ہمراہ ایئرپورٹ پر دبئی سے آنے والی فلائٹ کے 149مسافروں کے سیمپلز کرانے کے بعد قرنطینہ سنٹراور نجی ہوٹلز منتقل کرادیا۔

(جاری ہے)

اسسٹنٹ کمشنر صدر نے بتایا کہ 86 مسافر جی سی نیو کیمپس،20 گرینڈ ہوٹل،14 ہوٹل ون،14 پرائم ہوٹل،13 پرائم ویو ہوٹل،ایک میت ٹوبہ ٹیک سنگھ اور ایک میت کو پشاور بھجوایاگیا۔انہوں نے بتایا کہ نیگیٹو آنے والے مسافروں کو بلاتاخیر ان کے گھروں میں بھجوایا جارہا ہے۔