نوجوان گلوکار علی رضا نے اپنا نیا ویڈیو سونگ’’ عادت‘‘ریلیز کردیا

ہفتہ 6 جون 2020 12:13

لاہور(اُردو پوائنٹ اخبارتازہ ترین - این این آئی۔ 06 جون2020ء) ابھرتے ہوئے نوجوان گلوکار علی رضا نے اپنا نیا ویڈیو سونگ’’ عادت‘‘ریلیز کردیا۔تفصیلات کے مطابق اس ویڈیو سونگ کوگذشتہ روز میوزک چینلز اور سوشل میڈیا پر ریلیز کیا گیاہے۔میوزک حلقوں کی جانب سے اس گانے کی بے حد پذیرائی کی گئی ہے۔

(جاری ہے)

گلوکار علی رضا معروف سنگر کاشف علی بابر کے چھوٹے بھائی ہے جنہوں نے بطور گلوکار اپنے فنی کیرئیر کا آغاز کرتے ہوئے ویڈیو سونگ ریلیز کیا ہے اس گانے کا میوزک معروف میوزک پروڈیوسر کمپوزر عمیر حسن نے ترتیب دیا ہے جو نیو ٹلینٹ اور نوجوان گلوکاروں کو میوزک کی دنیا میں متعارف کروانے میں اپنا کردار ادا کر رہے ہیںایک ملاقات کے دوران علی رضا نے گفتگو کرتے ہوئے کہا ہے کہ میوزک مجھے وراثت میں ملا ہے مجھے اپنے بھائی کاشف علی بابر کے بھی بہت سیکھنے کا موقع ملا ہے مجھے امید ہے ویڈیو سونگ میوزک کے دلدادہ افراد کو پسند آئے گا ۔

علی رضا نے مذید بتایاکہ اس ویڈیو کے بعد وہ مذید میوزک ویڈیو زپر بھی کام کررہے ہیں جو جلد پرستاروں کے درمیان ہوں گی۔