محکمہ موسمیات کی آئندہ 24 گھنٹوں میں بارش کی پیش گوئی

آئندہ 24 گھنٹوں کے دوران ملک کے بعض علاقوں میں آندھی اور گرج چمک کیساتھ بارش کا امکان ہے: محمکہ موسمیات

عثمان خادم کمبوہ منگل 30 جون 2020 21:55

محکمہ موسمیات کی آئندہ 24 گھنٹوں میں بارش کی پیش گوئی

لاہور (اُردو پوائنٹ اخبارتازہ ترین ۔ 30 جون2020ء) گرمی سے ستائے لوگوں کو خوشخبری سناتے ہوئے محکمہ موسمیات نے آئندہ 24 گھنٹوں میں بارش کی پیش گوئی کردی ہے۔ محکمہ موسمیات کے مطابق آئندہ 24 گھنٹوں کے دوران ملک کے بعض علاقوں میں آندھی اور گرج چمک کیساتھ بارش کا امکان ہے۔

(جاری ہے)

محکمہ موسمیات کے مطابق بدھ کے روز ملک کے بیشترعلاقوں میں موسم گرم اور مرطوب رہے گا تاہم اسلام آباد میں آندھی اورگرج چمک کےساتھ بارش کا امکان ہے۔

اس کے علاوہ خیبرپختونخوا، پنجاب اورگلگت بلتستان میں بھی بارش کا امکان ہے جبکہ کراچی اور ساحلی پٹی پر بھی بارش ہوسکتی ہے۔ واضح رہے کہ گذشتہ 24 گھنٹے کا موسم ملک کےزیادہ تر علاقوں میں موسم گرم اور مرطوب رہا تاہم شمال مشرقی پنجاب اور شمال مشرقی بلوچستان میں بارش ہوئی ہے۔